تارازدا اۆتوسالوندا ساتۋ بٶلٸمٸنٸڭ باسشىسى بولىپ جۇمىس ٸستەگەن 25 جاستاعى ەر ادام ٸرٸ كٶلەمدە الاياقتىق جاسادى دەگەن ايىپپەن سوتتالدى, دەپ حابارلايدى dalanews.kz.
تەرگەۋ مەلٸمەتٸنشە, ول كليەنتكە قۇنى 90 ملن تەڭگە بولاتىن كٶلٸگٸن جاڭاسىنا اۋىستىرىپ بەرۋگە ۋەدە ەتكەن. الايدا كٶلٸكتٸ ساتىپ جٸبەرٸپ, تٷسكەن قارجىنى جەكە قاجەتٸنە جۇمساعان. بۇدان كەيٸن باسشىلىقتان جاسىرىن تٷردە اۆتوسالونعا تيەسٸلٸ قۇنى 83 ملن تەڭگە بولاتىن جاڭا كٶلٸكتٸ كليەنتكە تابىستاعان.
سونىمەن قاتار, كٷدٸكتٸ اۆتوسالونداعى تاعى ەكٸ كٶلٸكتٸ - 68 ملن جەنە 34 ملن تەڭگە تۇراتىن كٶلٸكتەردٸ ساتىپ, اقشاسىن يەمدەنگەن. بۇدان بٶلەك, قۇنى 59 ملن تەڭگە تۇراتىن Toyota Land Cruiser كٶلٸگٸن تٶمەن باعامەن ساتقانى انىقتالعان.
سوت ونى اسا ٸرٸ كٶلەمدەگٸ الاياقتىق جەنە بٶتەن مٷلٸكتٸ يەمدەنۋ بويىنشا كٸنەلٸ دەپ تانىپ, 5 جىل 1 ايعا باس بوستاندىعىنان ايىرعان.
الايدا پروكۋروردىڭ ٶتٸنٸشٸنەن كەيٸن كاسساتسييالىق سوت ٷكٸمدٸ قايتا قاراپ, كەلتٸرٸلگەن شىعىن ٶتەلمەگەنٸن ەسكەرٸپ, جازا مەرزٸمٸن 8 جىلعا دەيٸن ۇلعايتتى.
