ال, مەن مٷلدە ريۋمكە ۇستامايتىن اداممىن. ەشقاشان ٸشٸمدٸكتٸڭ دەمٸن تاتىپ كٶرمەگەم. پرەزيدەنت بەرٸمەن سوعىستىرىپ كەلٸپ, ماعان كەلگەندە: «وي, سٸزدٸڭ بوكالىڭىز...», – دەدٸ. مەن: «نۇرەكە, مەن بوكال ۇستاماۋشى ەدٸم», – دەدٸم. «ۇستاماي-اق قويىڭىز, ۇستاماعىنىڭىز جاقسى», – دەدٸ ەلباسى.
ٷيگە كەلگەننەن كەيٸن, بٸر توپ ەڭگٸمە تىڭدايمىز دەپ كەلگەندەردٸڭ ٸشٸندە شەمشە بەركٸمباەۆا «نەڭ كەتەر ەدٸ, ەڭ بولماسا ٶتٸرٸكتەن بولسىن سوعىستىرا سالمادىڭ با. ونداي مٷمكٸندٸك بولا بەرە مە?» - دەپ ۇرسىپ جاتىر ماعان. سوسىن, مەن: «ەي, شەمەن, بٸرٸنشٸدەن قۇداي كٶرٸپ تۇر. ەكٸنشٸدەن, شامپان ٸشكەندەردٸڭ ەشقايسىسى ەسٸندە قالمايدى, ٸشپەگەن مەن قالام ەسٸندە» – دەپ ەزٸلدەدٸم.
سول كەزدەسۋدٸڭ الدىندا جاتتاپ الىڭىزدار دەپ بەرٸمٸزگە بٸر ەننٸڭ مەتٸنٸن بەردٸ. ونىسى «ۆەسنا نا زارەچنوي ۋليتسە» دەگەن ورىستىڭ ەسكٸ كينوسىنداعى ەن. ونى پرەزيدەنت جاقسى كٶرەدٸ ەكەن. پرەزيدەنت جاقسى كٶرەتٸن قازاقتىڭ نەبٸر ەيبەت ەندەرٸ بار عوي. سوسىن قاعازىن قايتارىپ بەرٸپ: «مەن ورىستىڭ ەنٸن ايتپاق تٷگٸلٸ, سٶزٸن سٶيلەي المايمىن», – دەپ ەن مەتٸنٸ جازىلعان قاعازدى قايتارىپ بەردٸم.
سوندا پرەزيدەنت اپپاراتىنداعىلاردىڭ ەڭ جىنىمدى ۇستاتقانى – ماعان پرەزيدەنتكە سەلەم سالعىزباق بولعاندارى. «كەلگەن ەيەلدەردٸڭ بەرٸ سەلەم جاساي ما?» – دەسەم: «جوق, سٸز عانا», – دەيدٸ. سوندا 16 كەلٸنشەكتٸڭ اراسىندا جالعىز زەينەتكەر ماعان سەلەم سالعىزباق. مەن باس تارتتىم. سەبەبٸن تٷسٸندٸرمەدٸم دە. ول جەردە جۋرناليستەر, فوتوگرافتار قاپتاپ جٷر.
مەن پرەزيدەنتكە سەلەم سالسام, جان-جاعىمنان تٷسٸرەدٸ. سودان كەيٸن, ينتەرنەتٸ بار, گازەتٸ بار, بەرٸنە بەرەدٸ. سوسىن: «باسى ەشكٸمگە يٸلمەگەن باۋكەڭنٸڭ كەلٸنٸ پرەزيدەنتتٸڭ كٸشكەنتاي سىيلىعى ٷشٸن, تاعزىم ەتٸپ جاتىر», – دەپ تۇرىپ جازادى.
انا ەبٸشتٸ قالاي جازدى. سونىڭ بەرٸ ول كٸسٸگە قالاي اۋىر تيگەنٸنە ەشكٸم مەن بەرمەدٸ. ال ەبٸشتٸڭ وتباسىندا قولدان سٷيۋ – داعدىلى نەرسە. مىنا جەردە مەنٸ دە سٶيتەر ەدٸ. مەنٸ قويشى, اتامنىڭ اتى قوسىلىپ ايتىلار ەدٸ...
«پرەزيدەنتتٸ ماقتاڭىز», – دەيدٸ. ماقتامايتىنىمدى ايتتىم. «مەنسٸز دە پايعامبار مەن قۇدايعا تەڭەپ ماقتاپ قويعاندار جەتكٸلٸكتٸ. ۇيات ەمەس پە? 5 جاستاعى بالا قۇساتىپ ارقاسىنان قاققانداي. مەنٸڭ ماقتاۋىما مۇقتاج بوپ تۇر ما ول كٸسٸ?» – دەدٸم. پرەزيدەنت مەنٸ ماقتاسىن دەپ تاپسىرما بەرمەگەن شىعار...
سٶيتٸپ, نۇرەكەڭمەن كەزدەسۋدە نە ٶلەڭ ايتپادىم, نە ماقتامادىم, نە سەلەم جاسامادىم. كەيٸن پرەزيدەنت اپپاراتىنداعىلار مەن سيياقتى قىرسىقتان قۇتىلعانىنا قۋانعان شىعار...
زەينەپ احمەتوۆا,
حالىق قاھارمانى باۋىرجان مومىشۇلىنىڭ كەلٸنٸ,
جازۋشى, ەتنوگراف
دەرەككٶز: Abai.kz
