نازارباەۆ? ول ەۋرازييالىق وداقتىڭ ساياسيلانۋىنا جول بەرمەدٸ - لۋكاشەنكو
ونىڭ ايتۋىنشا 2014 جىلى قۇرىلعان ۇيىمنىڭ نەگٸزگٸ تەتٸكتەرٸ كرەمل كٶسەمٸنٸڭ زەۋلٸم سارايىندا تالقىلانعان. وداقتىڭ قاڭقاسىن قالاۋ پروتسەسٸ پۋتيننٸڭ اس ٷيٸندە جٷرگەن, شەشٸم دە وسى جەردە قابىلدانعان.
كٶرشٸ ەلدەردٸڭ باسشىلارىن قوناققا شاقىرعان پۋتين ورتاق ۇيىمعا بٸرٸگۋ مەسەلەسٸ كەشكٸ شەي ٷستٸندە شەشٸلۋ كەرەكتٸگٸن مەلٸمدەگەن.
مەسكەۋدەگٸ وداق باسشىلارى باس قوسقان جيىندا ٶتكەن كٷندەردٸ ەسكە العان بەلارۋس باسشىسى سٶي دەي كەلە ۇيىمدى ەرتەلەتٸپ قۇرۋعا كرەملدٸڭ مٷددەلٸ بولعانىن مەڭزەپ ٶتتٸ.
"يە, وداقتىڭ العىشارتى پۋتيننٸڭ اس ٷيٸنەن باستالدى. بٸزدٸ بٸر شەۋگٸم شايعا شاقىرىپ, داستارحانىنان دەم تاتتىردى. ول كەزدە ۋكراينا قازٸرگٸدەي وقشاۋلانباعان ەدٸ. ٷستەل باسىنداعى اقىلداسۋ كەزٸندە وداقتىڭ بٷگٸن-ەرتەڭ قۇرىلا قويارىنا كٷمەن كەلتٸردٸم. سەبەبٸ, سول تۇستاعى ساياسي احۋال بۇلىڭعىر, مىڭ قۇبىلىپ تۇرعان شاق ەدٸ. بٸراق, كٶز قورقاق, قول باتىر. ۇيىمنىڭ "بەتاشارىن" بٸرلەسٸپ ەزٸرلەدٸك. باس-اياعى 22 قۇجاتقا قول قويىلىپ, تاراپتار مۇنداعى تالاپتاردى تٷگەل ماقۇلدادى. ايتقانىم ايداي كەلٸپ, كيەۆ كەيٸن كەلە ۋاعدادان تايقىپ كەتتٸ", – دەدٸ لۋكاشەنكو.
بەلارۋس پرەزيدەنتٸ وداق جۇمىسىنداعى نازارباەۆتىڭ رٶلٸنە دە از-كەم توقتالىپ ٶتتٸ.
"قازاقستاننىڭ تۇڭعىش پرەزيدەنتٸ وداقتىڭ ساياسيلانۋىنا جول بەرمەدٸ. ۇيىمدى ەسكەري-ساياسي بلوكقا اينالدىرۋدى كٶزدەگەن رەسەيدٸڭ امبيتسيياسىن تەجەپ وتىردى. ول ەكونوميكالىق شەڭبەردەن شىقپاۋىمىزدى ۇدايى ەسكە سالىپ وتىراتىن", – دەدٸ لۋكاشەنكو.
ايتقانداي, كەزٸندە قازاتومدى باسقارعان ۆلاديمير شكولنيكتٸڭ رەسەيگە جۇمىس ٸستەگەنٸ بەلگٸلٸ بولدى. ول تۋرالى مىنا تۇستان وقىڭىز ➡️ DALA INSIDE
https://dalanews.kz/ekonomika/89660-zhalgan-brokerler-dauiri-alaiaqtarga-u
