Nazarbaev? Ol Eýraziialyq odaqtyń saiasilanýyna jol bermedi - Lýkashenko
Onyń aitýynsha 2014 jyly qurylǵan uiymnyń negizgi tetikteri Kreml kóseminiń záýlim saraiynda talqylanǵan. Odaqtyń qańqasyn qalaý protsesi Pýtinniń as úiinde júrgen, sheshim de osy jerde qabyldanǵan.
Kórshi elderdiń basshylaryn qonaqqa shaqyrǵan Pýtin ortaq uiymǵa birigý máselesi keshki shái ústinde sheshilý kerektigin málimdegen.
Máskeýdegi odaq basshylary bas qosqan jiynda ótken kúnderdi eske alǵan Belarýs basshysy sói dei kele uiymdy erteletip qurýǵa Kremldiń múddeli bolǵanyn meńzep ótti.
"Iá, odaqtyń alǵysharty Pýtinniń as úiinen bastaldy. Bizdi bir sháýgim shaiǵa shaqyryp, dastarhanynan dám tattyrdy. Ol kezde Ýkraina qazirgidei oqshaýlanbaǵan edi. Ústel basyndaǵy aqyldasý kezinde odaqtyń búgin-erteń quryla qoiaryna kúmán keltirdim. Sebebi, sol tustaǵy saiasi ahýal bulyńǵyr, myń qubylyp turǵan shaq edi. Biraq, kóz qorqaq, qol batyr. Uiymnyń "betasharyn" birlesip ázirledik. Bas-aiaǵy 22 qujatqa qol qoiylyp, taraptar mundaǵy talaptardy túgel maquldady. Aitqanym aidai kelip, Kiev keiin kele ýaǵdadan taiqyp ketti", – dedi Lýkashenko.
Belarýs prezidenti odaq jumysyndaǵy Nazarbaevtyń róline de az-kem toqtalyp ótti.
"Qazaqstannyń Tuńǵysh prezidenti odaqtyń saiasilanýyna jol bermedi. Uiymdy áskeri-saiasi blokqa ainaldyrýdy kózdegen Reseidiń ambitsiiasyn tejep otyrdy. Ol ekonomikalyq sheńberden shyqpaýymyzdy udaiy eske salyp otyratyn", – dedi Lýkashenko.
Aitqandai, kezinde Qazatomdy basqarǵan Vladimir Shkolniktiń Reseige jumys istegeni belgili boldy. Ol týraly myna tustan oqyńyz ➡️ DALA INSIDE
https://dalanews.kz/ekonomika/89660-zhalgan-brokerler-dauiri-alaiaqtarga-u
