جۋرناليست، قوعام بەلسەندىسى دينا ەلگەزەك الەۋمەتتىك جەلىدەگى پاراقشاسىندا ەلتاڭبا اۋىستىرۋ يدەياسىنا پىكىر ءبىلدىرىپ، "نازاربايەۆ مۇراسىنان" قۇتىلۋ دەگەن ءسوز شىن مانىندە نە ماعىنا بىلدىرەتىنىن ايتتى، - دەپ حابارلايدى Dalanews.kz.

"گەربتەن قۇتىلۋ - نازاربايەۆتىڭ مۇراسىنان قۇتىلۋ" دەپتى كەشە ءبىر اعامىز.
جانسىز اتريبۋت بىزگە نەندەي ءقاۋىپ تۋعىزۋى مۇمكىن؟ نونسەنس قوي…

نازاربايەۆتىڭ مۇراسى ەلتاڭبا ەمەس، نازاربايەۆتىڭ مۇراسى - توقايەۆتىڭ قاسىندا جۇرگەن نازاربايەۆتىڭ جەمقور كومانداسى!
نازاربايەۆتىڭ مۇراسى - ەنەرگەتيكالىق رەسۋرستاردىڭ قوجايىنى - وليگارحيالىق توپ!
نازاربايەۆتىڭ مۇراسى - ەلگە قايتپاعان اكتيۆتەر!
نازاربايەۆتىڭ مۇراسى - ادىلەتسىز سوت، بيلىككە تاۋەلدى ب ا ق!

ەلدىگىمىزدىڭ سيمۆولىن وتىرىك وزگەرتىپ، "جاڭا قازاقستاننىڭ" جالعان يميتاسياسىن جاساعانشا، "ەسكى جۇيەنىڭ زاڭدى مۇراگەرىمىز" دەپ مويىنداي سالساڭدارشى…" - دەپ جازدى ول.

ايتا كەتەيىك، بۇعان دەيىن دينا ەلگەزەك اسحات اسىلبەكوۆكە بەرگەن سۇحباتىندا داريعا نازاربايەۆا مەن راحات الييەۆ قازاق حالقىنىڭ تاعدىرىنا قالاي اسەر ەتكەنىن ايتتى.

"1999 جىلدىڭ سوڭىندا 2000 جىلداردىڭ باسىندا (حابارعا - ەسك.) كەلدىم. سول كەزدە باسشىمىز (الييەۆ پەن نازاربايەۆا - ەسك.) بولدى. شىنىن ايتقاندا، وتكەن 30 جىلعا قارايمىز، قازاق حالقىنىڭ كورگەن قورقىنىشتى تۇسىندەي ەكەن. وسى ەرلى-زايىپتى - قازاق حالقىنا، تاعدىرىنا اسەر ەتكەن تۇلعالار.

بايلىقتان، اشكوزدىكتەن مەديالاردى ساتىپ الىپ جاتتى.

ءسوز بوستاندىعى قىسىمعا ۇشىرادى. دەموكراتيا دەگەن نارسەنى ۇمىتا باستادىق.

پرەزيدەنتتىڭ وزىندە ەكى ءتۇرلى تاڭداۋ تۇردى: اۆتوكراتيالىق اپان، ەكىنشىسى دەموكراتيالىق تاڭداۋ دەگەن. ءبىراق نۇرسۇلتان نازاربايەۆ ءوزىنىڭ وتباسىن تاڭدادى، ونىڭ وتباسى اۆتوكراتيالىق رەجيمدى تاڭدادى.

ودان كەيىنگى نەبىر سۇمدىق تاريح، رەيدەرلىك جاساپ وتىردى. بالالارىنا شەكسىز بيلىك بەرۋ ارقىلى نازاربايەۆتىڭ تاعدىرى نەمەن اياقتالدى؟!" - دەدى جۋرناليست.

سونىمەن قاتار، قوعام بەلسەندىسى قازاقتىڭ جاعدايىن كىمدەر تۇرالاتقانىن دا اتاعان ەدى.

"بىزدە ءۇش ءتۇرلى تريادا - جەمقورلار، نازاربايەۆتىڭ كلانى جانە وتباسى. وسى ءۇشباستى ايداھار مەملەكەتىمىزدىڭ تۇبىنە جەتە جازدادى. وسىنىڭ ىشىندە مەملەكەتتىڭ تاعدىرىنا اسەر ەتكەن وسى ەكى تۇلعا (الييەۆ پەن نازاربايەۆا - ەسك.) بولدى. ...قاتتى ايتقانىم ەمەس، بۇلار قازاق حالقىن قۇلدىقتا ۇستادى دەپ ايتۋعا بولادى. قازاق حالقىنىڭ قوجايىنى بولا باستادى"، - دەدى جۋرناليست.