مەجٸلٸس دەپۋتاتى ايدوس سارىم «Sadaq media» ارناسىنا بەرگەن سۇحباتىندا التىنبەك سەرسەنباەۆتىڭ ٶلٸمٸنە قاتىستى دەرەكتەر ايتتى, دەپ حابارلايدى Dalanews.kz.
ونىڭ ايتۋىنشا, التىنبەكتٸڭ قازاسىن نۇرسۇلتان نازارباەۆپەن بايلانىستىرۋدىڭ قاجەتٸ جوق.
«كەزٸندە رىسبەك سەرسەنباەۆ اعامىز ەموتسييامەن بٸراز دٷنيەنٸ ايتىپ جٸبەردٸ. ەلٸ دە ايتىپ جٷر. بٸراق وعان دەلەل جوق قوي. ول جەردە نازارباەۆتىڭ قۇلاعى كٶرٸنۋٸ مٷمكٸن. بٸراق ەدٸلەت دەگەن بولۋى تيٸس قوي, جوبالاپ, ىمداپ بولسا دا دەلەلدەي العان ادام جوق. مەن ٶز باسىم التىنبەكتٸڭ ٶلٸمٸن راحات ەليەۆكە جاقىنداتام. التىنبەكپەن جىلداپ ارالاسقان, ەلٸ كٷنگە دەيٸن سول ورتادا جٷرگەن بٸراز ازاماتپەن ارالاسام. بٸراق ولاردىڭ ەشقايسىسى دا تٸكەلەي نازارباەۆتان كٶرٸپ جاتقان جوق.
بۇل رىسبەكتٸڭ ٶزٸنٸڭ ۇستانىمى, ٶزٸنٸڭ جەكە پٸكٸرٸ. كەزٸندە التىنبەكتٸڭ جانىندا جٷرگەن, قاعازىن جازىپ بەرٸپ جٷرگەن رىسبەك ەمەس, مەن بولاتىنمىن. مەن ونى جاقسى بٸلەمٸن», دەيدٸ ايدوس سارىم.
سونداي-اق ول التىنبەك سەرسەنبايۇلىنىڭ كەزٸندە ٶتە كەكشٸل بولعانىن ايتادى. بٸراق ۋاقىت ٶتە كەلە ٶزگەرگەن.
«التىنبەك ٶتە كەكشٸل ادام بولدى. كٶپ ادامدى جەك كٶردٸ. سولاردىڭ بٸرٸ – سەرٸك ەبدراحمانوۆ ەدٸ. ەكٸنشٸ بٸر ادام بولدى. ول - بالتاش تۇرسىنباەۆ بولاتىن. بٸراق ۋاقىت ٶتە كەلە ٶزگەردٸ, سانالى عۇمىرىندا ٶزٸنٸڭ جەك كٶرەتٸن ادامدارمەن تاتۋلاسىپ, سولاردىڭ دەڭگەيٸنە تٷسٸپ, سٶيلەسكەنٸن كٶردٸم», - دەيدٸ دەپۋتات.
