ناۋرىز مەرەكەسٸ قارساڭىندا تٷركٸستان قالاسىنا كەلۋشٸلەر سانى كٶبەيدٸ. بيىل تٷركٸ ەلەمٸنٸڭ استاناسى اتانعان كيەلٸ شاھارعا 17-24 ناۋرىز ارالىعىندا كەلەتٸن تۋريستەر سانى 20 مىڭنان اسادى دەپ جوسپارلانۋدا. بۇل 7 تەۋلٸككە جاسالعان الدىن الا مەلٸمەتكە نەگٸزدەلگەن.
تٷركٸستان قالاسىندا نٶمٸرلٸك قورى 1240 بٶلمەنٸ قۇرايتىن 59 ورنالاستىرۋ ورنى جۇمىس ٸستەيدٸ.
تٷركٸستان قالاسىنىڭ ەۋەجايىنان بٸر اپتادا 34 ەۋە رەيسٸ ورىندالماق. ونىڭ 10 رەيسٸ – حالىقارالىق. بارلىق ەۋە رەيسٸنٸڭ جولاۋشىلار سانى 3881 ادامدى قۇرايدى. ٸشكٸ – 2733, حالىقارالىق – 1148. ەۋە رەيستەرٸ 85%-عا تولادى.
ايتا كەتەيٸك, 21 ناۋرىز كٷنٸ ساعات 12:00-18:00 ارالىعىندا «جەڭٸس» ساياباعىندا «نۇر جاۋعىزعان ەز ناۋرىز» شاراسى ٶتەدٸ. وندا تەاترلاندىرىلعان قويىلىمدار, مەرەكەلٸك كونتسەرتتەر, سپورتتىق جارىستار ۇيىمداستىرىلادى.
22 ناۋرىزدا ساعات 11:00-دە ۇلىستىڭ ۇلى كٷنٸنە وراي «كەرۋەن ساراي» كەشەنٸندە «ارمىسىڭ, ەز ناۋرىز!» مەرەكەلٸك سالتاناتتى ٸس-شارا ٶتەدٸ. ٸس-شارا اياسىندا تەاترلاندىرىلعان قويىلىمدار, كونتسەرتتٸك باعدارلامالار, قولٶنەر شەبەرلەرٸ مەن سۋرەتشٸلەر كٶرمەسٸ, ۇلتتىق تاعامداردىڭ كٶرمەسٸ, ۇلتتىق سپورتتىق ويىندار سايىسى ۇيىمداستىرىلادى.
