Naýryz merekesi qarsańynda Túrkistan qalasyna kelýshiler sany kóbeidi. Biyl Túrki áleminiń astanasy atanǵan kieli shaharǵa 17-24 naýryz aralyǵynda keletin týrister sany 20 myńnan asady dep josparlanýda. Bul 7 táýlikke jasalǵan aldyn ala málimetke negizdelgen.
Túrkistan qalasynda nómirlik qory 1240 bólmeni quraityn 59 ornalastyrý orny jumys isteidi.
Túrkistan qalasynyń áýejaiynan bir aptada 34 áýe reisi oryndalmaq. Onyń 10 reisi – halyqaralyq. Barlyq áýe reisiniń jolaýshylar sany 3881 adamdy quraidy. Ishki – 2733, halyqaralyq – 1148. Áýe reisteri 85%-ǵa tolady.
Aita keteiik, 21 naýryz kúni saǵat 12:00-18:00 aralyǵynda «Jeńis» saiabaǵynda «Nur jaýǵyzǵan áz Naýryz» sharasy ótedi. Onda teatrlandyrylǵan qoiylymdar, merekelik kontsertter, sporttyq jarystar uiymdastyrylady.
22 naýryzda saǵat 11:00-de Ulystyń uly kúnine orai «Kerýen sarai» kesheninde «Armysyń, áz Naýryz!» merekelik saltanatty is-shara ótedi. Is-shara aiasynda teatrlandyrylǵan qoiylymdar, kontserttik baǵdarlamalar, qolóner sheberleri men sýretshiler kórmesi, ulttyq taǵamdardyń kórmesi, ulttyq sporttyq oiyndar saiysy uiymdastyrylady.
