اقمولا وبلىسىندا پاسيەنت تەگىن كومەك ءۇشىن 1،5 ملن تەڭگە تولەگەن، دەپ حابارلايدى Dalanews.kz.
كوپسالالى اۋرۋحانانىڭ تەراپيالىق ءبولىم مەڭگەرۋشىسى قانت ديابەتى مەن جەدەل كورونارلىق سيندرومى بار ناۋقاستى جالعان مەديسينالىق قىزمەتتەر ءۇشىن اقشا تولەۋگە ماجبۇرلەگەن.
دارىگەر تالاپ ەتكەن اقشانىڭ ءبىر بولىگىن ءبىرىنشى كۇنى، قالعانىن كەلەسى كۇنى العان.
ايىپ جابىرلەنۋشىنىڭ كورسەتۋلەرىمەن، ايىپتالۋشىنىڭ مويىنداۋىمەن، ساراپتامالاردىڭ قورىتىندىلارىمەن جانە تابىلعان ايعاقتارمەن دالەلدەندى.
سوت ەر ادامنىڭ شىن جۇرەكتەن مويىنداۋىن ەسكەرىپ، ونى ەكى جىلعا باس بوستاندىعىن شەكتەۋ جازاسىنا كەستى.
بۇعان قوسا، وعان ءۇش جىل مەديسينالىق قىزمەتپەن اينالىسۋعا تىيىم سالىندى.
