جيىننىڭ جۇمىس تٸلٸ – ورىس جەنە موڭعول تٸلٸ ەكەن.
مەن بۇعان تاڭقالعان جوقپىن. موڭعولييادان رەسمي دەلەگاتسييا كەلگەن سايىن ولار «ورتاق تٸلٸمٸز اعىلشىنشا بولسىن» دەگەن تالاپ قوياسا, بٸزدٸكٸلەر ٷنەمٸ ورىس تٸلٸن العا تارتادى. مينيسترلٸكتەردە اعىلشىن تٸلٸن بٸلەتٸن ماماندار كٶپ ەكەنٸن جيٸ ايتامىز. سودنا ەلگٸ قاپتاعان «بولاشاق» تٷلەكتەرٸ قايدا جٷر?!
بۇدان بۇرىن دا تۋريزم, تابيعات قورعاۋ سەكٸلدٸ ورگانداردىڭ كەزدەسۋلەرٸ 2-3 رەت ورىسشا-موڭعولشا ٶتكەنٸ ەسٸمدە. وعان ٸلەسپە اۋدارما جاساپ, اقىسىن تٶلەپ, رازى-قوش بولىپ تاراسقانبىز.
بٸراق سول كەزدە موڭعولييادان كەلگەن قوناقتار
«مەملەكەتتٸك تٸل بولۋعا قازاق تٸلٸ جاراماي ما, نەگە بەرٸ ورىسشا» دەپ تاڭ قالعان ەدٸ.
سول كەزدە نە دەرٸمدٸ بٸلمەي, ىڭعايسىز جاعدايعا قالعانىم بار. نامىسىم تاپتالىپ, ۇياتتان بەتٸممەن جەر باسقانداي بولعانمىن. وسى جولى دا سونىڭ كەبٸن كيگەلٸ تۇرمىن.
مينيسترلٸكتەن حابارلاسقان جٸگٸتكە وسى جايدى ايتىپ: «جۇمىس تٸلٸ تەك قازاقشا-موڭعولشا عانا بولسىن. ەگەر ورىس تٸلٸ قولدانىلسا, مەن تٸلماشتىققا (سينحروننىي پەرەۆود) بارمايمىن» دەپ تالاپ قويدىم. مۇنىم انا جولعى ەلباسىنىڭ «ٷكٸمەت پەن پارلامەنتتٸڭ جۇمىسى تەك مەملەكەتتٸك تٸلدە ٶتسٸن» دەگەن تاپسىرماسىن بۇلجىتپاي ورىندايىن دەگەن نيەتٸم عوي.
«بۇل مەنٸڭ ورىس تٸلٸن بٸلمەيتٸندٸگٸمنەن ەمەس, ەلٸمٸزگە كەلە جاتقان دەلەگاتسيياسىنىڭ, ياعني, مەنٸڭ بۇرىنعى وتانداستارىمنىڭ الدىندا ۇياتقا قالماۋىم ٷشٸن كەرەك» – دەپ تاعى قوسىپ قويدىم.
مينيسترلٸك ٶكٸلٸ مەنٸڭ تالابىمدى باسشىلارىنا جەتكٸزەتٸنٸن ايتىپ قوشتاستى. نە بولار ەكەن?
قۋاندىق شاماحايۇلى, جۋرناليست.
