Jıynnyń jumys tili – orys jáne mońǵol tili eken.
Men buǵan tańqalǵan joqpyn. Mońǵolıadan resmı delegasıa kelgen saıyn olar «ortaq tilimiz aǵylshynsha bolsyn» degen talap qoıasa, bizdikiler únemi orys tilin alǵa tartady. Mınıstrlikterde aǵylshyn tilin biletin mamandar kóp ekenin jıi aıtamyz. Sodna álgi qaptaǵan «Bolashaq» túlekteri qaıda júr?!
Budan buryn da týrızm, tabıǵat qorǵaý sekildi organdardyń kezdesýleri 2-3 ret oryssha-mońǵolsha ótkeni esimde. Oǵan ilespe aýdarma jasap, aqysyn tólep, razy-qosh bolyp tarasqanbyz.
Biraq sol kezde Mońǵolıadan kelgen qonaqtar
«memlekettik til bolýǵa qazaq tili jaramaı ma, nege bári oryssha» dep tań qalǵan edi.
Sol kezde ne derimdi bilmeı, yńǵaısyz jaǵdaıǵa qalǵanym bar. Namysym taptalyp, uıattan betimmen jer basqandaı bolǵanmyn. Osy joly da sonyń kebin kıgeli turmyn.
Mınıstrlikten habarlasqan jigitke osy jaıdy aıtyp: «Jumys tili tek qazaqsha-mońǵolsha ǵana bolsyn. Eger orys tili qoldanylsa, men tilmashtyqqa (sınhronnyı perevod) barmaımyn» dep talap qoıdym. Munym ana jolǵy Elbasynyń «úkimet pen parlamenttiń jumysy tek memlekettik tilde ótsin» degen tapsyrmasyn buljytpaı oryndaıyn degen nıetim ǵoı.
«Bul meniń orys tilin bilmeıtindigimnen emes, elimizge kele jatqan delegasıasynyń, ıaǵnı, meniń burynǵy otandastarymnyń aldynda uıatqa qalmaýym úshin kerek» – dep taǵy qosyp qoıdym.
Mınıstrlik ókili meniń talabymdy basshylaryna jetkizetinin aıtyp qoshtasty. Ne bolar eken?
Qýandyq SHAMAHAIULY, jýrnalıs.
