بۇل تۋرالى مادەنيەت جانە اقپارات ءمينيسترى ايدا بالايەۆا ءوزىنىڭ facebook پاراقشاسىندا ايتتى، دەپ حابارلايدى الماتىداعى Dalanews.kz baq.kz- گە سىلتەمە جاساپ
ءمينيستردىڭ ايتۋىنشا، سۋ اپاتىنان زارداپ شەككەن ازاماتتار الدىمەن ءوز ءوڭىرىنىڭ اكىمدىگىنە ءوتىنىش بەرۋى قاجەت.
سۋ اپاتىنىڭ رەسپۋبليكامىزدىڭ 10 وڭىرىنە تيگىزگەن سالدارى ەرەكشە اۋىر بولدى. ۇكىمەت قاۋلىسىنا ساي، اپاتتان بۇلىنگەن مۇلىك پەن قيراعان ءۇي، قىرىلعان مال جەڭىلدەتىلگەن تارىپپەن قىسقا ۋاقىتتا وتەلەدى. ول ءۇشىن بىرىنشىدەن زارداپ شەگۋشىلەر مۇلىككە قاتىستى اكىمدىككە - جەكە نەمەسە سەنىمحات ارقىلى ماتەريالدىق وتەماقى تۋرالى ءوتىنىش جازىپ، جەكە كۋالىك كوشىرمەسىمەن بۇلىنگەن نەمەسە جويىلعان مۇلىكتىڭ تىزبەسىن قوسا تاپسىرادى. ءوتىنىش 30 كۇن ىشىندە بەرىلۋى ءتيىس. بەرىلگەن ءوتىنىش 15 جۇمىس كۇنىندە قارالىپ، ءتيىستى ماماندار 10 كۇن ىشىندە مەكەنجايعا بارىپ، شىعىنداردى ەسەپتەيدى. باعالاۋشىلاردىڭ قورتىندىسىنان كەيىن 3 جۇمىس كۇن ىشىندە قاراجات بەرۋ تۋرالى شەشىم قابىلدانىپ، 30 جۇمىس كۇن ارالىعىندا وتەماقى تولەنەدى. ەكىنشىدەن، قىرىلعان مالعا قاتىستى وڭىرلەردە جەرگىلىكتى اتقارۋشى ورگانداردىڭ جانىنان شىعىنداردى ەسەپتەۋشى كوميسسيا قۇرىلدى، - دەدى ايدا بالايەۆا.
سونداي-اق مينيستر سۋ اپاتى سالدارىنان قىرىلعان مالعا قالاي وتەماقى تولەنەتىنىن ءتۇسىندىردى.
سۋ تاسقىنى سالدارىنان ولگەن ءتورت تۇلىكتىڭ يەلەرى مالدارى تۋرالى مالىمەتتەردى كورسەتىپ جەرگىلىكتى كوميسسياعا ءوتىنىش بەرۋ كەرەك. مالعا مەنشىك قۇقىعى كوميسسيالاردىڭ اكتىلەرىمەن راستالادى. مال يەلەرىنە وتەماقى مولشەرى ۇلتتىق ستاتيستيكا بيۋروسى جاريالاعان جانۋارلاردىڭ تۇرلەرى بويىنشا نارىقتىق قۇنى نەگىزىندە ايقىندالادى، - دەدى ۆەدومستۆو باسشىسى.
