Bul týraly Mádeniet jáne aqparat ministri Aida Balaeva óziniń facebook paraqshasynda aitty, dep habarlaidy Almatydaǵy Dalanews.kz baq.kz- ge silteme jasap
Ministrdiń aitýynsha, sý apatynan zardap shekken azamattar aldymen óz óńiriniń ákimdigine ótinish berýi qajet.
Sý apatynyń Respýblikamyzdyń 10 óńirine tigizgen saldary erekshe aýyr boldy. Úkimet qaýlysyna sai, apattan búlingen múlik pen qiraǵan úi, qyrylǵan mal jeńildetilgen tárippen qysqa ýaqytta óteledi. Ol úshin birinshiden zardap shegýshiler múlikke qatysty ákimdikke - jeke nemese senimhat arqyly materialdyq ótemaqy týraly ótinish jazyp, jeke kýálik kóshirmesimen búlingen nemese joiylǵan múliktiń tizbesin qosa tapsyrady. Ótinish 30 kún ishinde berilýi tiis. Berilgen ótinish 15 jumys kúninde qaralyp, tiisti mamandar 10 kún ishinde mekenjaiǵa baryp, shyǵyndardy esepteidi. Baǵalaýshylardyń qortyndysynan keiin 3 jumys kún ishinde qarajat berý týraly sheshim qabyldanyp, 30 jumys kún aralyǵynda ótemaqy tólenedi. Ekinshiden, qyrylǵan malǵa qatysty óńirlerde jergilikti atqarýshy organdardyń janynan shyǵyndardy esepteýshi komissiia quryldy, - dedi Aida Balaeva.
Sondai-aq ministr sý apaty saldarynan qyrylǵan malǵa qalai ótemaqy tólenetinin túsindirdi.
Sý tasqyny saldarynan ólgen tórt túliktiń ieleri maldary týraly málimetterdi kórsetip jergilikti komissiiaǵa ótinish berý kerek. Malǵa menshik quqyǵy komissiialardyń aktilerimen rastalady. Mal ielerine ótemaqy mólsheri Ulttyq statistika biýrosy jariialaǵan janýarlardyń túrleri boiynsha naryqtyq quny negizinde aiqyndalady, - dedi vedomstvo basshysy.
