ارىستانبەك مىرزانىڭ ارگۋمەنتٸ “مينيسترلٸكتە جيٸ-جيٸ اۋىس-تٷيٸس بولدى, ۆەدومستۆودا سپورتتان ماقۇرىم ماماندار وتىر” دەگەنگە سايادى.
ال رايىمقۇلوۆا باتىلى بارىپ, وتستاۆكاعا كەتۋ تۋرالى ارىز جازۋى قاجەت-اق. ٶمٸر ٶز ارناسىمەن اعا بەرمەك, وتستاۆكا مينيستردٸڭ تاعدىرىنا تەرٸس ەتەدٸ دەپ ويلاۋ اعاتتىق.
وسى تٶڭٸرەكتەگٸ ەڭگٸمەنٸڭ تيەگٸن اعىتىپ, “جەتٸنشٸ ارناعا” جەتٸ مينۋتتىق سۇحبات بەرگەن مۇحامەديۇلى ٶزٸنٸڭ تۇسىندا مۇنداي ناشار نەتيجەگە جول بەرمەگەنٸن ايتىپ, ٶتكەن-كەتكەندٸ قوزعاعان ەكەن.
ايتۋىنشا, توكيودان ورالعان ۇلتتىق قۇرامانىڭ كٶرسەتكٸشٸنە كٷللٸ ەلدٸڭ كٶڭٸلٸ تولمايدى. سپورتشىلاردىڭ ۇدايى جەڭٸلٸسٸنەن كەيٸن جانكٷيەرلەر دە جاسىپ قالعان. التىن الادى-اۋ دەگەن تالاي تارلانبوزدىڭ تاۋى شاعىلعانى وسى سالاعا كٷردەلٸ رەفورما كەرەكتٸگٸن اڭعارتىپ وتىر.
التىن پەن كٷمٸسكە تالاساتىن پوتەنتسيالىمىز بولا تۇرا, قولا مەدالعا قۋانعانىمىز قۇلدىراۋدىڭ بەلگٸسٸ.
سٶي دەگەن مۇحامەديۇلى ٶزٸنٸڭ تۇسىندا مۇنداي ۇياتتى جاعدايدىڭ بولماعانىن ەسكە سالىپتى.
“وسىدان تٶرت جىل بۇرىنعى الاماندا تالايدان وزا شاپتىق. التىندى دا الدىق, كٷمٸس تە كٶردٸك. تٸپتٸ قولانى قومسىنعان جاعدايعا جەتتٸك. ريو وليمپياداسىندا 10 سپورتشىمىز قولا جٷلدەگەر اتاندى, 5 سپورتشىمىز كٷمٸسپەن كٷپتەلدٸ. كٷمٸس العاندار كٷشەنٸپ جٸبەرسە التىن العان بولار ەدٸ”, – دەپ اعىنان جارىلدى ارىستانبەك مىرزا.
ال بۇل جولعى سەتسٸزدٸكتٸڭ سەبەبٸ نەدە نەمەسە كٸمدە? مۇحامەديۇلى مۇنى مينيسترلٸكتەگٸ كادرلىق اۋىس-تٷيٸستەن كٶرەدٸ. ەيتپەسە سپورتشىلاردىڭ دايىندىعىندا كٸنەرات جوق. توكيودا قانجىعانى مايلاپ قايتارىنا سەنٸمدٸ بولعان. تەك...
“وليمپيادانىڭ قارساڭىندا مينيسترلٸكتەگٸ سپورت سالاسىنا جاۋاپتى ٷش بٸردەي ۆيتسە-مينيستر اپىل-عۇپىل اۋىستى. ەلدەگٸ بوكس پەن كٷرەس سپورتىنىڭ احۋالىمەن جاقسى تانىس ەلدوس رامازانوۆتى ورنىنان بوساتىپ, سەكەن مۇسايبەكوۆتى تاعايىندادى, ارتىنشا بۇل قىزمەتكە ەرلان قوجاعاپانوۆ كەلدٸ.
سپورت كوميتەتٸنٸڭ تٶراعاسى, داڭقتى بوكسشى سەرٸك سەپيەۆتٸ وليمپياداعا نەبارى التى اي قالعاندا دەكرەتتٸك دەمالىسقا جٸبەردٸ. سەرٸكتٸ تٸپتٸ قىزمەتٸنەن بوساتپاق بولعان.
ونىڭ ورىنباسارى بولعان سەرٸك جاراسباەۆ توكيوعا ساناۋلى كٷندەر قالعاندا ويلاماعان جەردە قىزمەتٸنەن كەتتٸ. ەيگٸلٸ “تۋر دە فرانس” ۆەلوجارىسىندا 7-شٸ ورىنعا ٸلٸككەن الەكسەي لۋتسەنكونىڭ ۇستازى, تانىمال سپورتشى الەكساندر ۆينوكۋروۆتى سالادان شەتتەتٸپ جٸبەردٸ” , – دەيدٸ ارىستانبەك مۇحامەديۇلى.
ەكس-مينيستر مۇنى قازٸرگٸ مينيسترگە باعىتتاپ ايتقانى انىق. رايىمقۇلوۆانىڭ ايىبىن جٸپكە تٸزگەن مۇحامەديۇلى تٸلٸنٸڭ ۇشىندا تۇرعان وتستاۆكا تۋرالى ەڭگٸمەنٸ اقىرى ايتىپتى.
“وليمپيادا نەتيجەسٸنە كٷللٸ ەل كۋە. وسىدان كەيٸن مينيستر رايىمقۇلوۆا قىزمەتٸنەن كەتۋٸ قاجەت پە?” دەگەن تٸلشٸ ساۋالى وتقا ماي قۇيا تٷسكەن ەكەن.
مۇحامەديۇلىنىڭ پٸكٸرٸنشە, وتستاۆكا بەلگٸلٸ بٸر مينيستردٸڭ ساياسي مانسابىنا نٷكتە قويعاندى بٸلدٸرمەيدٸ, ودان كەيٸن دە ٶمٸر بار.
“ٶز ەركٸمەن ورنىنان كەتكەن تالاي مينيستردٸ بٸلەمٸن. جەر داۋى ۇلتتىق نارازىلىققا ۇلاسقان تۇستا سول كەزدەگٸ ەكونوميكا مينيسترٸ ەربولات دوساەۆ نازارباەۆقا ارىز جازىپ, وتستاۆكاعا جٸبەرۋٸن ٶتٸنگەن. ول بۇدان ۇتىلعان جوق.
مەدەنيەت جەنە سپورت مينيسترلٸگٸنٸڭ جۇمىسىندا – جەڭٸس پەن جەڭٸلٸس يتجىعىس تٷسٸپ جاتادى. جەتٸستٸككە جەتسەڭ, ٷزدٸكسٸڭ, جەڭٸمپازسىڭ. ال ەگەر نەتيجەڭ ناشار بولسا, ول جاعى تٷسٸنٸكتٸ...”, – دەپ بۇلىڭعىرلاۋ جاۋاپ قاتقان ەكەن ەكس-مينيستر.
“اقتوتى رايىمقۇلوۆا وتستاۆكاعا كەتۋٸ كەرەك پە?” دەگەن ساۋالدى قايتارا قويعان تٸلشٸگە: “مٸندەتتٸ. جاۋاپكەرشٸلٸكتەن قاشپاۋى تيٸس”, – دەپ جاۋاپ قاتتى مۇحامەديۇلى.
ايتا كەتەلٸك, توكيو وليمپياداسىندا قازاقستان قۇراماسى 8 قولا مەدالدى مٸسە تۇتىپ, جالپىكوماندالىق تٸزٸمدە 83-شٸ ورىن الدى. بۇل وسىعان دەيٸن ٶتكەن جازعى وليمپيادا ويىندارىنداعى قازاقستان قۇراماسىنىڭ ەڭ ناشار كٶرسەتكٸشٸ.
ارىستانبەك مۇحامەديۇلى 2014-2019 جىلداردىڭ ارالىعىندا مەدەنيەت جەنە سپورت مينيسترلٸگٸن باسقاردى.
https://www.youtube.com/watch?v=w0Db26UVuSg
