اقتٶبە وبلىسىندا ۋاقىتشا ۇستاۋ يزولياتورىنان قاشىپ كەتكەن 33 جاستاعى ەر ادام سول كٷنٸ قايتا ۇستالدى, دەپ حابارلايدى dalanews.kz.
«دياپازون» باسىلىمىنىڭ مەلٸمەتٸنشە, ەر ادام كٶلٸكتٸ ماس كٷيٸندە باسقارعانى ٷشٸن سوتتالعان. ونىڭ ٷستٸنە ول رٶلگە جٷرگٸزۋشٸ كۋەلٸگٸنەن ايىرىلعانىنا قاراماستان وتىرعان. سوت ٷكٸمٸنەن كەيٸن بٸرنەشە كٷن ٶتكەن سوڭ ول بادامشا اۋىلىنداعى ۋاقىتشا ۇستاۋ يزولياتورىنان قاشۋعا ەرەكەت جاساعان.
تەرگەۋ مەلٸمەتٸنشە, كەشكٸ سەرۋەن كەزٸندە ول اسپالى قۇلىپتى اشىپ, كٶرشٸ اۋلاعا ٶتكەن. كەيٸن قابىرعادان شىعىپ تۇرعان ۇلۋتاس بٶلٸگٸن سىندىرىپ, تەمٸر ارماتۋرانى مايىستىرعان سوڭ عيماراتتىڭ شاتىرىنا كٶتەرٸلگەن. ودان ەرٸ تٸكەنەكتٸ سىمنان اسىپ تٷسٸپ, يزولياتور اۋماعىنان شىعىپ كەتكەن.
ەر ادام جاياۋ جٷرٸپ كەمپٸرساي اۋىلىن اينالىپ ٶتكەننەن كەيٸن اقتٶبە قالاسىنا قاراي كەتٸپ بارا جاتقان كٶلٸككە وتىرعان. الايدا دٸتتەگەن جەرٸنە جەتە الماي, سول كٷنٸ پوليتسييا قىزمەتكەرلەرٸنٸڭ قولىنا تٷستٸ. سوت ونىڭ قاشىپ كەتكەنٸ ٷشٸن 1,5 جىل باس بوستاندىعىنان ايىرۋ جازاسىن تاعايىندادى. بۇعان دەيٸنگٸ ٶتەلمەگەن جازا مەرزٸمٸ قوسىلىپ, جالپى جازا مەرزٸمٸ 2 جىل بولىپ بەلگٸلەندٸ.
ەندٸ ول جازاسىن جالپى رەجيمدەگٸ كولونييادا ەمەس, قاۋٸپسٸزدٸگٸ ەڭ جوعارى تٷزەۋ مەكەمەسٸندە ٶتەيتٸن بولادى.
