مينيستر مەن ولاردىڭ ورىنباسارلارىنىڭ ايلىعى قانشا؟

نۇرلان جۇماحان 12 اقپ. 2024 10:49 855

ۇكىمەتتە بەل جازباي ەڭبەك ەتىپ جۇرگەن مينيسترلەر مەن ولاردىڭ ورىنباسارلارى قانشا جالاقى الاتىنى ءمالىم بولدى. ءبىراق وتكەن جىلى سمايلوۆ باسقارعان ۇكىمەتتەگى اق جاعالىلاردىڭ ايلىق جالاقىسىنىڭ ءبىر بولىگىن ينفلياسيا جەپ قويىپتى، – دەپ جازادى Dalanews.kz.  

DATA HUB تەلەگرام ارناسىنىڭ مالىمەتىنشە، 2023 جىلى مينيسترلەر مەن ولاردىڭ ورىنباسارلارىنىڭ ورتاشا جالاقىسى شامامەن 1،4 ميلليون تەڭگەنى قۇراعان. بۇل قاراپايىم حالىق ءۇشىن وتە قوماقتى اقشا.

وتكەن جىلى مۇنداي قوماقتى ايلىقتى ۇكىمەت ۇيىندە ەڭبەك ەتىپ جۇرگەن 334 لاۋازىمدى تۇلعا العان.

وسىلايشا ۇكىمەتتىڭ كۋلۋارىنداعى ورتاشا ايلىق 1 362 532 تەڭگەنى قۇرادى.

2022 جىلمەن سالىستىرعاندا بۇل كورسەتكىش نومينالدى تۇردە 7%-عا وسكەنىن بايقاۋعا بولادى. ال كورسەتىلگەن كەزەڭدە ينفلياسيا دەڭگەيى بۇدان ءبىرشاما جوعارى بولىپ، شەندىلەردىڭ ايلىعىنىڭ ءبىرشاماسىن ينفلياسيا جەپ قويعان.


ۇسىنىلعان
سوڭعى جاڭالىقتار
x