Úkimette bel jazbai eńbek etip júrgen ministrler men olardyń orynbasarlary qansha jalaqy alatyny málim boldy. Biraq ótken jyly Smailov basqarǵan Úkimettegi aq jaǵalylardyń ailyq jalaqysynyń bir bóligin infliatsiia jep qoiypty, – dep jazady Dalanews.kz.
DATA HUB Telegram arnasynyń málimetinshe, 2023 jyly ministrler men olardyń orynbasarlarynyń ortasha jalaqysy shamamen 1,4 million teńgeni quraǵan. Bul qarapaiym halyq úshin óte qomaqty aqsha.
Ótken jyly mundai qomaqty ailyqty Úkimet úiinde eńbek etip júrgen 334 laýazymdy tulǵa alǵan.
Osylaisha Úkimettiń kýlýaryndaǵy ortasha ailyq 1 362 532 teńgeni qurady.
2022 jylmen salystyrǵanda bul kórsetkish nominaldy túrde 7%-ǵa óskenin baiqaýǵa bolady. Al kórsetilgen kezeńde infliatsiia deńgeii budan birshama joǵary bolyp, shendilerdiń ailyǵynyń birshamasyn infliatsiia jep qoiǵan.
