بۇگىن حالىق جازۋشىسى مۇحتار ماعاۋين قايتىس بولدى. جازۋشىنىڭ جەرلەۋ ءراسىمى اقش-تا وتەدى، - دەپ حابارلايدى Dalanews.kz.
بۇل تۋرالى ءىت سالاسىنداعى مامان تيمۋر بەكتۇر جازدى.
"اگاراكي، اقش-تا جۇرگەندەر بولسا، راسىمدەرى وسىنداي:
- قاڭتاردىڭ 9-ى، بەيسەنبى اقشامدا دۇنيە سالعان مۇحتار ءماعاۋيننىڭ جانازاسى ەرتەڭ، قاڭتاردىڭ 11ء-ى سەنبى كۇنى ساعات 10:00-دە تۇرىكتىڭ Diyanet Center of America مەشىتىندە (9610 Good Luck Rd، Lanham، MD 20706) وقىلادى،
- قوناقاسى دا سول ورىندا 13:00-دە بەرىلەدى.
- جەرلەۋ ءراسىمى 11:00-دە Parklawn Memorial زيراتىندا (12800 Veirs Mill Rd، Rockville، MD 20853) وتەدى"، - دەدى ول.
ايتا كەتەيىك، مۇحتار مۇقان ۇلى ماعاۋين 1940 جىلى 2 اقپاندا سەمەي وبلىسىنىڭ شۇبارتاۋ اۋدانىندا تۋعان. 1962 جىلى قازاق مەملەكەتتىك ۋنيۆەرسيتەتىنىڭ فيلولوگيا فاكۋلتەتىن، 1965 جىلى اسپيرانتۋراسىن بىتىرگەن. ەڭبەك جولى 1965 جىلدان باستالادى. «قازاق ادەبيەتى» گازەتىندە ءبولىم مەڭگەرۋشىسى، 1967 – 71 جج. «جازۋشى» باسپاسىندا باس رەداكتوردىڭ ورىنباسارى، قازاق كسر عىلىم اكادەمياسىنىڭ م.اۋەزوۆ اتىنداعى ادەبيەت جانە ونەر ينستيتۋتىندا اعا عىلىمي قىزمەتكەر بولىپ، سونىمەن قاتار ماسكەۋدە م.گوركيي اتىنداعى ادەبيەت ينستيتۋتىندا قازاق فولكلورى مەن قازاق ادەبيەتى تاريحى بويىنشا ارنايى لەكسيالىق كۋرستار جۇرگىزدى. 1983 – 84 جج. ەركىن شىعارماشىلىق جۇمىستا، 1984 – 86 جج. «جازۋشى» باسپاسىنىڭ باس رەداكتورى، 1987 جىلى ەركىن شىعارماشىلىق جۇمىس- تا، 1988 – 2006 جج. «جۇلدىز» جۋرنالىنىڭ باس رەداكتورى بولدى.
باسپا ءسوز بەتىندە العاش رەت 1959 جىلى كورىندى. 60-جىلدارى نەگىزىنەن ادەبيەت زەرتتەۋشىسى رەتىندە تانىلدى. بۇدان سوڭعى كەزەڭدە كوركەم پروزاعا كوبىرەك دەن قويدى. شىعارمالارى ورىس تىلىنە اۋدارىلعان، شەتەل تىلدەرىندە باسىلعان. فيلولوگيا عىلىمىنىڭ كانديداتى (1967). قازاقستان جازۋشىلار وداعى باسقارماسىنىڭ حاتشىسى. «الاساپىران» تاريحي رومان-ديلوگياسى ءۇشىن قازاق كسر-ىنىڭ اباي اتىنداعى مەملەكەتتىك سىيلىعى بەرىلدى. قازاقستاننىڭ حالىق جازۋشىسى (1984). تۇركيانىڭ حالىقارالىق «تۇرىك دۇنيەسىنە قىزمەت» سىيلىعىنىڭ يەگەرى (1997). «تارلان» سىيلىعىنىڭ لاۋرەاتى (2002). قازاقستاننىڭ قۇرمەتتى جازۋشىسى (2019).
