"مۇقامەدجان! اركىم ءوزىنىڭ تابيعاتى مەن سانا سەزىمىنە قاراي ارەكەت ەتەدى. ادام نە ايتىپ، نە ىستەسە دە وزىنە ىستەيدى.
ءبىراق ءوتىنىش، ساسىق ساياساتىڭ مەن جاعىمپازدىعىڭا اسىل ءدىنىمىزدى ارالاستىرماشى.
اقساقالىڭدى ساقالىنان سۇيرەپ، اق ورامالدى اجەڭنىڭ قۇيمىشاعىنان تەبەسىڭ بە، ول سەنىڭ شارۋاڭ، سەنىڭ جەتكەن جەرىڭ.
قاعبادا ادامدارعا كەدەرگى كەلتىرىپ، ناماز وقىعاندارعا پوليسيا ءبىر رەت ەسكەرتكەننەن كەيىن قۇيمىشاعىن سىندىرا جازدايتىنداي ەتىپ، قۇيرىعىنان قاتتى تەبەدى دەپسىڭ. تەپسە ادامگەرشىلىكتەن اينىپ، پاتشاسىنا تابىنىپ وتىرعان ساۋدياڭداعى كەيبىر پوليسيالارىڭ تەبەتىن شىعار.
ءبىراق مۇنداي ايۋاندىقتى يسلام تۇرماق، كوكرىگىندە ازعانتاي ادامدىعى بار كەز-كەلگەن ادام جاسامايدى.
جاساي دا المايدى.
"بۇعان بۇكىل يسلام عۇلامالارى ءپاتۋا بەرگەن" - دەپ ايدى اسپاننان ءبىراق شىعارىپسىڭ.
"ادامدارعا كەدەرگى كەلتىرىپ ناماز وقىعان ادامدى قۇيمىشاعىن سىندىراتىنداي ەتىپ تەبۋگە بولادى" - دەگەن حايۋاني ارەكەتتى قاي عۇلاما قۇپتاپتى؟
بۇكىل يسلام الەمى عۇلامالارىن بىلاي قويىپ، ءبىر عالىمنىڭ اتىن اتاشى! ايتا المايسىڭ. ويتكەنى بۇل قىپ-قىزىل وتىرىك. ەندەشە ءدىننىڭ اتىن جامىلىپ وتىرىك ايتۋ، ءدىندى ساياساتقا قولجاۋلىق ەتۋ اۋىر كۇنا!
ءدىنىمىزدى سۇيكىمسىز ەتىپ كورسەتۋگە، حالىقتى دىننەن بەزدىرۋگە سەنىڭ قانداي حاقىڭ بار؟! ساسىق ساياساتىڭدى، جەركەنىشتى جاعىمپازدىعىڭا ءدىندى ارالاستىرماشى! ءوتىنىش!" – دەيدى قايرات جولدىباي ۇلى.
رەداكسيادان: ءبىر ساعات بۇرىن جازىلعان جازبانى ءدىنتانۋشى پاراقشاسىنان ءوشىرىپ تاستاعان ەكەن. الايدا ءبىز بۇل جازبانىڭ سكرينشوتىن ساقتاپ ۇلگەرگەن ەدىك.
https://youtu.be/faMOKtFLCg0
