الايدا ونىڭ قۇجاتتارىن قاراۋدى ورتالىق سايلاۋ كوميسسيياسى ۋاقىتشا توقتاتقان ەدٸ.
سەبەبٸ «مۇقالماستان» نۇرجان ەلتاەۆتى پرەزيدەنت سايلاۋىنا كانديدات رەتٸندە ۇسىنۋعا قارسىلىق بٸلدٸرٸپ, سوتقا جٷگٸنگەن ەدٸ.
بٷگٸن استانا قالاسىنداعى «بايقوڭىر» اۋداندىق سوتى ەلتاەۆتى كانديدات رەتٸندە ۇسىنۋ تۋرالى حاتتامانى جارامسىز دەپ تانىدى.
Dalanews.kz "مۇقالماس" تەۋەلسٸز بايقاۋشىلار ۇيىمىنىڭ اتقارۋشى ديرەكتورى عازيزا ەمٸربەكوۆا جەنە وسى ۇيىمنىڭ قاراعاندى وبلىسىنداعى فيليالىنىڭ جەتەكشٸسٸ مايرا تٶلەۋبەكقىزىنا حابارلاسىپ مەن-جەيدى بٸلگەن ەدٸ.
"6-شى قازان كٷنٸ Zoom قوسىمشاسى ارقىلى سايلاۋعا بايلانىستى كونفەرەنتسييا ٶتٸپ, پرەزيدەنتتٸككە "مۇقالماستىڭ" اتىنان نۇرجان ەلتاەۆتىڭ كانديداتۋراسىن ۇسىندى. بٸز ول حاتتامامەن كەلٸسكەن جوقپىز. ورتالىق سايلاۋ كوميسسيياسىنا جەنە سوتقا دا ارىز بەردٸك.
مٸنە بٷگٸن سوت بٸزدٸڭ تالاپ ارىزىمىزدى قاناعاتتاندىردى. حاتتامانى زاڭسىز دەپ تانىدى.
ەندٸ زاڭ بويىنشا پرەزيدەنتتٸككە ٷمٸتكەر نۇرجان ەلتاەۆ "مۇقالماستىڭ" اتىنان ارى قاراي ٸس-ەرەكەتٸن جالعاستىرا المايدى.
ال سوتقا ارىزدانعان سەبەبٸمٸز, رەسپۋبليكاداعى 13 ٶڭٸردٸڭ باسشىلارى ەلتاەۆتىڭ كانديداتۋراسىن قولداعان جوق. سەبەبٸ "مۇقالماس" رەسپۋبليكالىق قوعامدىق بٸرلەستٸگٸ ساياسي ۇيىم ەمەس. 27-شٸ قىركٷيەك كٷنٸ بٸرلەستٸكتٸڭ جالپى جينالىسى ٶتتٸ. ارامىزدان ەشكٸمدٸ پرەزيدەنتتٸككە ۇسىنبايمىز دەگەن بٸر ۇستانىمعا كەلگەنبٸز. ٶيتكەنٸ بٸز ساياسي ناۋقاندارعا تەۋەلسٸز تٷردە باقىلاۋ جٷرگٸزەتٸن ۇيىمبىز", - دەدٸ «مۇقالماس» تەۋەلسٸز بايقاۋشىلار ۇيىمىنىڭ اتقارۋشى ديرەكتورى عازيزا ەمٸربەكوۆا.
سونىمەن قاتار بٸزبەن سۇحباتتاسقان قاراعاندى وبلىسى بويىنشا بٶلٸمٸنٸڭ جەتەكشٸسٸ مايرا تٶلەۋبەكقىزى ٶز ويىن بىلاي جەتكٸزدٸ.
"نۇرجان ەلتاەۆتىڭ قازٸرگٸ تٸركەلگەن قۇجاتتارىنا «مۇقالماستىڭ» ايماقتاعى باسشىلارىنىڭ جەنە تەۋەلسٸز بايقاۋشىلاردىڭ ەشقانداي قاتىسى جوق. ونى «مۇقالماستىڭ» ورتالىق باسقارۋشى ورگانىنداعى اقايدار ىسىمۇلى, قۇرمانعازى ايتمۇرزا, امانعازى زايتوۆ, تۇرمان ورازىمبەت دەگەن ازاماتتار تولتىرىپ جٸبەرگەن.
دەمەك, ورتالىق سايلاۋ كوميسسيياسى بٸزدٸڭ ارىزدارىمىزدىڭ جەنە استانا قالاسىنداعى «بايقوڭىر» اۋداندىق سوتىنىڭ شەشٸمٸ نەگٸزٸندە ەلتاەۆتىڭ ٶتكٸزگەن قۇجاتتارىن جالعان دەپ تانيدى دەپ ويلايمىن», - دەدٸ مايرا تٶلەۋبەكقىزى.
ايتا كەتەيٸك "مۇقالماس" بٸرلەستٸگٸنٸڭ 6-شى قازان كٷنٸ ٶتكەن جينالىستاعى حاتتامادا نۇرجان ەلتاەۆتىڭ قر پرەزيدەنتتٸگٸنە كانديدات رەتٸندە ۇسىنۋىن زاڭسىز دەپ تانىپ, ۇيىمنىڭ مٷشەلەرٸ مەن ٶڭٸرلەردەگٸ باسشىلارى قارسىلىق بٸلدٸرٸپ, سوتقا جٷگٸنگەن ەدٸ.
نەتيجەسٸندە سوت ەلتاەۆتى كانديدات رەتٸندە ۇسىنۋ تۋرالى حاتتامانى جارامسىز دەپ تانىدى.
