Alaida onyń qujattaryn qaraýdy Ortalyq sailaý komissiiasy ýaqytsha toqtatqan edi.
Sebebi «Muqalmastan» Nurjan Áltaevty Prezident sailaýyna kandidat retinde usynýǵa qarsylyq bildirip, sotqa júgingen edi.
Búgin Astana qalasyndaǵy «Baiqońyr» aýdandyq soty Áltaevty kandidat retinde usyný týraly hattamany jaramsyz dep tanydy.
Dalanews.kz "Muqalmas" táýelsiz baiqaýshylar uiymynyń atqarýshy direktory Ǵaziza Ámirbekova jáne osy uiymnyń Qaraǵandy oblysyndaǵy filialynyń jetekshisi Maira Tóleýbekqyzyna habarlasyp mán-jáidy bilgen edi.
"6-shy qazan kúni Zoom qosymshasy arqyly sailaýǵa bailanysty konferentsiia ótip, Prezidenttikke "Muqalmastyń" atynan Nurjan Áltaevtyń kandidatýrasyn usyndy. Biz ol hattamamen kelisken joqpyz. Ortalyq sailaý komissiiasyna jáne sotqa da aryz berdik.
Mine búgin sot bizdiń talap aryzymyzdy qanaǵattandyrdy. Hattamany zańsyz dep tanydy.
Endi zań boiynsha Prezidenttikke úmitker Nurjan Áltaev "Muqalmastyń" atynan ary qarai is-áreketin jalǵastyra almaidy.
Al sotqa aryzdanǵan sebebimiz, Respýblikadaǵy 13 óńirdiń basshylary Áltaevtyń kandidatýrasyn qoldaǵan joq. Sebebi "Muqalmas" respýblikalyq qoǵamdyq birlestigi saiasi uiym emes. 27-shi qyrkúiek kúni birlestiktiń jalpy jinalysy ótti. Aramyzdan eshkimdi Prezidenttikke usynbaimyz degen bir ustanymǵa kelgenbiz. Óitkeni biz saiasi naýqandarǵa táýelsiz túrde baqylaý júrgizetin uiymbyz", - dedi «Muqalmas» táýelsiz baiqaýshylar uiymynyń atqarýshy direktory Ǵaziza Ámirbekova.
Sonymen qatar bizben suhbattasqan Qaraǵandy oblysy boiynsha bóliminiń jetekshisi Maira Tóleýbekqyzy óz oiyn bylai jetkizdi.
"Nurjan Áltaevtyń qazirgi tirkelgen qujattaryna «Muqalmastyń» aimaqtaǵy basshylarynyń jáne táýelsiz baiqaýshylardyń eshqandai qatysy joq. Ony «Muqalmastyń» ortalyq basqarýshy organyndaǵy Aqaidar Ysymuly, Qurmanǵazy Aitmurza, Amanǵazy Zaitov, Turman Orazymbet degen azamattar toltyryp jibergen.
Demek, Ortalyq sailaý komissiiasy bizdiń aryzdarymyzdyń jáne Astana qalasyndaǵy «Baiqońyr» aýdandyq sotynyń sheshimi negizinde Áltaevtyń ótkizgen qujattaryn jalǵan dep tanidy dep oilaimyn», - dedi Maira Tóleýbekqyzy.
Aita keteiik "Muqalmas" birlestiginiń 6-shy qazan kúni ótken jinalystaǵy hattamada Nurjan Áltaevtyń QR Prezidenttigine kandidat retinde usynýyn zańsyz dep tanyp, uiymnyń músheleri men óńirlerdegi basshylary qarsylyq bildirip, sotqa júgingen edi.
Nátijesinde sot Áltaevty kandidat retinde usyný týraly hattamany jaramsyz dep tanydy.
