مۇقاعاليعا ارنالعان كەش

Dalanews 11 اقپ. 2021 17:20 525

اباي اتىنداعى قازاق ۇلتتىق پەداگوگيكالىق ۋنيۆەرسيتەتىندە تاربيە، الەۋمەتتىك جۇمىستار جانە جاستار ساياساتى جونىندەگى دەپارتامەنت قىزمەتكەرلەرىنىڭ ۇيىمداستىرۋىمەن كورنەكتى اقىن مۇقاعالي ماقاتايەۆتىڭ 90 جىلدىعىنا ارنالعان «پوەزيا، مەنىمەن ەگىز بە ەدىڭ؟» تاقىرىبىندا ادەبي كەش بولىپ ءوتتى. ونى اشقان ۋنيۆەرسيتەت رەكتورى تاكير وسپان ۇلى بالىقبايەۆ مۇقاعالي ماقاتايەۆ ولەڭدەرىنىڭ ومىرشەڭدىگىنە، كوركەمدىك ەرەكشەلىگىنە توقتالدى.

   كەشكە ارنايى شاقىرىلعان قازاقستان كينەماتوگرافيستەر وداعى مەن قازاقستان تەاتر قايراتكەرلەرى وداعىنىڭ مۇشەسى، بەلگىلى اكتەر ءارى رەسيسسەر، مۇقاعاليتانۋشى شاياحمەت يماش ۇلى م.ماقاتايەۆ پوەزياسىن جارتى عاسىردان بەرى زەرتتەپ كەلەدى جانە اقىننىڭ 600-دەن استام ولەڭدەرىن جاتقا وقيدى. ونىڭ ايتۋىنشا، مۇقاعالي 45 جىلدىق قىسقا عانا عۇمىرىندا 2000-نان استام ولەڭ-جىر، 16 پوەما جازعان ەكەن. پروزا، اۋدارما، دراماتۋريگيا سالالارىندا دا ازدى-كوپتى قالام تەربەگەن. «بۇكىل پوەزيالىق شىعارمالارىن بىرىكتىرسە ول ءمۇقاعاليدىڭ ءومىرى تۋرالى ءبىر ۇزاق ءومىر-داستان بولىپ شىعار ەدى»، - دەدى ش.يماش ۇلى. سونداي-اق ول ماقاتايەۆ شىعارمالارىنداعى كوركەمدىك بوياۋ ازاماتتىق اسقاق ۇنمەن استاسىپ، ۇلكەن ادامگەرشىلىك، ادامزاتتىق قۇندىلىقتى قۇرايتىنىن اتاپ كورسەتتى. دارىندى اكتەر مانەرلەپ وقىعان مۇقاعالي جىرلارى تىڭداۋشىلاردىڭ جانارىنا جاس ءۇيىرىپ، جۇرەكتەرىن تەبىرەنتتى.

قازاقستان جازۋشىلار وداعىنىڭ مۇشەسى، قالامگەر مىرزاحان احمەتوۆ مۇقاعاليمەن كەزدەسىپ، اسەرلى اڭگىمەسىن، ومىرشەڭ ولەڭدەرىن ءوز قۇلاعىمەن تىڭداعان 1975 جىلعى جەلتوقسان ايىندا وتكەن جاس اقىن-جازۋشىلاردىڭ رەسپۋبليكالىق كەڭەسىنەن ەستەلىكتەر ايتتى. ۋنيۆەرسيتەت ستۋدەنتتەرى ماقاتايەۆتىڭ «اققۋلار ۇيىقتاعاندا» پوەماسىنان ساحنالىق قويىلىمدار كورسەتتى.

قاڭتار ايىنىڭ 11ء-ى مەن 31ء-ى ارالىعىندا وقۋ ورىندا ءمۇقاعاليدىڭ 90 جىلدىعىنا ارناپ اقىن ولەڭدەرىن مانەرلەپ وقۋدان، اقىنعا ارنالعان شىعارمالار مەن ولەڭ جىرلاردان كونكۋرس وتكىزىلگەن ەدى. وسى كەشتە كونكۋرس جەڭىمپازدارىنا ديپلومدار مەن اقشالاي سىيلىقتار تابىس ەتىلدى.

شوقان قۇتتىبايەۆ، اباي اتىنداعى قازۇپۋ قوعاممان بايلانىس ءبولىمىنىڭ قىزمەتكەرى

ۇسىنىلعان
سوڭعى جاڭالىقتار