Abai atyndaǵy Qazaq ulttyq pedagogikalyq ýniversitetinde Tárbie, áleýmettik jumystar jáne jastar saiasaty jónindegi departament qyzmetkerleriniń uiymdastyrýymen kórnekti aqyn Muqaǵali Maqataevtyń 90 jyldyǵyna arnalǵan «Poeziia, menimen egiz be ediń?» taqyrybynda ádebi kesh bolyp ótti. Ony ashqan ýniversitet rektory Takir Ospanuly Balyqbaev Muqaǵali Maqataev óleńderiniń ómirsheńdigine, kórkemdik ereksheligine toqtaldy.
Keshke arnaiy shaqyrylǵan Qazaqstan kinematografister odaǵy men Qazaqstan teatr qairatkerleri odaǵynyń múshesi, belgili akter ári resisser, muqaǵalitanýshy Shaiahmet Imashuly M.Maqataev poeziiasyn jarty ǵasyrdan beri zerttep keledi jáne aqynnyń 600-den astam óleńderin jatqa oqidy. Onyń aitýynsha, Muqaǵali 45 jyldyq qysqa ǵana ǵumyrynda 2000-nan astam óleń-jyr, 16 poema jazǵan eken. Proza, aýdarma, dramatýrigiia salalarynda da azdy-kópti qalam terbegen. «Búkil poeziialyq shyǵarmalaryn biriktirse ol Muqaǵalidiń ómiri týraly bir uzaq ómir-dastan bolyp shyǵar edi», - dedi Sh.Imashuly. Sondai-aq ol Maqataev shyǵarmalaryndaǵy kórkemdik boiaý azamattyq asqaq únmen astasyp, úlken adamgershilik, adamzattyq qundylyqty quraitynyn atap kórsetti. Daryndy akter mánerlep oqyǵan Muqaǵali jyrlary tyńdaýshylardyń janaryna jas úiirip, júrekterin tebirentti.
Qazaqstan Jazýshylar odaǵynyń múshesi, qalamger Myrzahan Ahmetov Muqaǵalimen kezdesip, áserli áńgimesin, ómirsheń óleńderin óz qulaǵymen tyńdaǵan 1975 jylǵy jeltoqsan aiynda ótken jas aqyn-jazýshylardyń respýblikalyq keńesinen estelikter aitty. Ýniversitet stýdentteri Maqataevtyń «Aqqýlar uiyqtaǵanda» poemasynan sahnalyq qoiylymdar kórsetti.
Qańtar aiynyń 11-i men 31-i aralyǵynda oqý orynda Muqaǵalidiń 90 jyldyǵyna arnap aqyn óleńderin mánerlep oqýdan, aqynǵa arnalǵan shyǵarmalar men óleń jyrlardan konkýrs ótkizilgen edi. Osy keshte konkýrs jeńimpazdaryna diplomdar men aqshalai syilyqtar tabys etildi.
Shoqan Quttybaev, Abai atyndaǵy QazUPÝ Qoǵamman bailanys bóliminiń qyzmetkeri
