قازاقستان قور بيرجاسىندا (KASE) ساعات 15:30-دا شەتەل ۆاليۋتالارى بويىنشا كۇندىزگى ساۋدا-ساتتىق توقتاتىلدى. ونىڭ قورىتىندىسى بويىنشا 1 اقش دوللارىنىڭ ورتاشا باعامى 519،26 تەڭگەنى قۇراپ، ءبىر تاۋلىكتە بىردەن 3،84 تەڭگەگە ارزاندادى، دەپ حابارلايدى Dalanews.kz.
ق ر ۇلتتىق بانكتىڭ تاڭەرتەڭ بەكىتكەن 1 اقش دوللارىنىڭ رەسمي باعامى 523،46 تەڭگە، ال 1 ەۋرو 600،04 تەڭگە بولعان ەدى.
Kurs.kz مالىمەتتەرى بويىنشا، ەلىمىزدەگى اقشا ايىرباستاۋ ورىندارىندا بۇگىندەرى 1 اقش دوللارى 519،5-522 تەڭگە، 1 ەۆرو 602-605 تەڭگە ارالىعىندا ساتىلىپ-ساتىپ الىنىپ جاتىر.
مۇنايدىڭ الەمدىك نارىقتاعى باعاسى بۇگىن تاعى تومەندەدى.
- ICE Futures ەلەكتروندىق ساۋدا بيرجاسىندا Brent ماركالى مۇنايدىڭ ماۋسىم فيۋچەرستەرىنىڭ قۇنى 2،85%-عا تومەندەپ، 1 باررەلى 68،51 دوللاردى قۇرادى.
- NYMEX ەلەكتروندى ساۋدا بيرجاسىندا WTI ماركالى مۇنايدىڭ ماۋسىم فيۋچەرستەرىنىڭ قۇنى 2،73%-عا تومەندەپ، 1 باررەلى 66،64 دوللار بولدى.
بۇعان دەيىن سايتىمىزدا "مۇناي باعاسى 69 دوللارعا دەيىن قۇلدىرادى. تاياۋ شىعىستاعى اسكەري قاقتىعىستىڭ اياقتالعانى راس پا؟" دەگەن ماتەريال جاريالانعان بولاتىن.
