Qazaqstan qor birjasynda (KASE) saǵat 15:30-da shetel valiýtalary boiynsha kúndizgi saýda-sattyq toqtatyldy. Onyń qorytyndysy boiynsha 1 AQSh dollarynyń ortasha baǵamy 519,26 teńgeni qurap, bir táýlikte birden 3,84 teńgege arzandady, dep habarlaidy Dalanews.kz.
QR Ulttyq Banktiń tańerteń bekitken 1 AQSh dollarynyń resmi baǵamy 523,46 teńge, al 1 eýro 600,04 teńge bolǵan edi.
Kurs.kz málimetteri boiynsha, elimizdegi aqsha aiyrbastaý oryndarynda búginderi 1 AQSh dollary 519,5-522 teńge, 1 evro 602-605 teńge aralyǵynda satylyp-satyp alynyp jatyr.
Munaidyń álemdik naryqtaǵy baǵasy búgin taǵy tómendedi.
- ICE Futures elektrondyq saýda birjasynda Brent markaly munaidyń maýsym fiýchersteriniń quny 2,85%-ǵa tómendep, 1 barreli 68,51 dollardy qurady.
- NYMEX elektrondy saýda birjasynda WTI markaly munaidyń maýsym fiýchersteriniń quny 2,73%-ǵa tómendep, 1 barreli 66,64 dollar boldy.
Buǵan deiin saitymyzda "Munai baǵasy 69 dollarǵa deiin quldyrady. Taiaý Shyǵystaǵy áskeri qaqtyǵystyń aiaqtalǵany ras pa?" degen material jariialanǵan bolatyn.
