Torǵai óńirinde dúniege kelip, keiin sheteldik otbasyǵa asyrap berilgen Jánibek áleýmettik jelide jańa jazba jariialady. Ol oqyrmandarymen amandasyp, biologiialyq anasyn izdeý isine qatysty qazirgi jaǵdaidy qysqasha túsindirdi, dep dalanews.kz tilshisi kznews.kz saityna silteme jasap habarlaidy.
Jánibektiń aitýynsha, ázirge anasyna qatysty izdeý jumystary týraly tolyq aqparat bere almaidy. Sebebi bul máselemen qazir resmi advokat ainalysyp jatyr.
"Qazir anamdy izdeý týraly kóp nárse aita almaimyn. Óitkeni bul ispen resmi advokat jumys istep jatyr. Biraq izdeýdi Amerikada jalǵastyrýymyz múmkin siiaqty", – dep jazdy ol.
Sonymen qatar Jánibek óziniń ómirine qatysty taǵy bir boljam aitty. Onyń sózinshe, týǵan perzenthanada ony amerikalyq otbasy asyrap alǵan basqa bir sábiimen shatastyryp jiberýi múmkin.
"Múmkin, meni týǵan perzenthanada amerikalyq otbasy asyrap alǵan basqa bir balamen shatastyryp jibergen shyǵar. Bul týraly kelesi jazbalarymda tolyǵyraq aityp beremin", – dedi Jánibek.
