بۇعان قوسا، مەملەكەتتىك الەۋمەتتىك ساقتاندىرۋ قورىنان ەڭبەككە قابىلەتتىلىگىن جوعالتۋ جانە اسىراۋشىسىنان ايىرىلۋ بويىنشا شامامەن 90،3 ملرد تەڭگە كولەمىندە الەۋمەتتىك تولەمدەر جاسالدى.

 

جىل قورىتىندىسى بويىنشا مۇگەدەكتىك بويىنشا جاردەماقى الۋشىلار سانى 553،9 مىڭ ادامدى، ال اسىراۋشىسىنان ايىرىلۋ بويىنشا شامامەن 191،9 مىڭ ادامدى قۇرادى.

 

مۇگەدەكتىككە ارنالعان مەملەكەتتىك جاردەماقىنىڭ مولشەرى مۇگەدەكتىك توبىنا، ونىڭ سەبەبىنە جانە ءتيىستى جىلعا بەلگىلەنەتىن كۇنكورىس مينيمۋمىنا بايلانىستى ەسەپتەلەدى. ال اسىراۋشىسىنان ايىرىلۋ بويىنشا تولەمدەر مارقۇمنىڭ اسىراۋىندا بولعان ادامدار سانىنا، قايتىس بولۋ سەبەبىنە جانە كۇنكورىس دەڭگەيىنە قاراي ايقىندالادى.

 

مىندەتتى الەۋمەتتىك ساقتاندىرۋ جۇيەسىنە قاتىسۋشىلار ءۇشىن قوسىمشا قولداۋ قاراستىرىلعان. 2025 جىلى ەڭبەككە قابىلەتتىلىگىن جوعالتقانى ءۇشىن 101،3 مىڭ ادام، ال اسىراۋشىسىنان ايىرىلعانى ءۇشىن 68،6 مىڭ وتباسى مەملەكەتتىك الەۋمەتتىك ساقتاندىرۋ قورىنان تولەم الدى. بۇل قاراجات رەسپۋبليكالىق بيۋدجەتتەن بەرىلەتىن جاردەماقىلارعا قوسىمشا رەتىندە تولەنەدى.

 

2026 جىلدىڭ 1 قاڭتارىنان باستاپ مۇگەدەكتىككە جانە اسىراۋشىسىنان ايىرىلۋعا بايلانىستى مەملەكەتتىك جاردەماقىلار 10 % وسەدى. بۇل كۇنكورىس مينيمۋمىنىڭ ۇلعايۋىمەن بايلانىستى. ۇكىمەت شەشىمىمەن مەملەكەتتىك الەۋمەتتىك ساقتاندىرۋ قورىنان تولەنەتىن الەۋمەتتىك تولەمدەر دە 10 % ارتتىرىلدى.

 

بيىل مۇگەدەكتىك بويىنشا جاردەماقى مولشەرى جالپى اۋرۋعا بايلانىستى:

•1-توپ ءۇشىن 111 872 تەڭگە

•2-توپ ءۇشىن 89 498 تەڭگە

•3-توپ ءۇشىن 61 021 تەڭگە

 

ال 2026 جىلعى 1 قاڭتارداعى دەرەككە سايكەس، ەڭبەككە قابىلەتتىلىگىن جوعالتۋ بويىنشا ورتاشا الەۋمەتتىك تولەم 72 409 تەڭگەنى، اسىراۋشىسىنان ايىرىلۋ بويىنشا 73 306 تەڭگەنى قۇرايدى.

 

بۇل وزگەرىستەر الەۋمەتتىك وسال ساناتتاعى ازاماتتاردىڭ تابىسىن ارتتىرىپ، ولاردىڭ ءومىر ساپاسىن جاقسارتۋعا باعىتتالعان.