مىرزاعالي ايتجانوۆ: «لەۆيتتٸڭ قارسىلاسى مەنەن كەشٸرٸم سۇرادى»
– مىرزاعالي قۇلانۇلى, بٷگٸنگٸ شارشى الاڭعا شىققان بوكسشىلار تۋرالى ايتىپ بەرسەڭٸز...
– بٸزدٸڭ بوكسشىلار ەلدٸ ۇيالتىپ جاتقان جوق. بارلىعى تاپسىرمانى ويداعىداي ورىنداپ جاتىر. بٸرٸنشٸ رەتتە ولجاس سەتتٸباەۆ تۋرالى ايتايىن.
ولجاستىڭ قالاي بوكستاسقانى بٷكٸل ەلەمگە ايان. ول قارسىلاسىنان ەش كەم تٷسكەن جوق. ٶز باسىم باپكەر رەتٸندە نىق سەنٸممەن ايتا الامىن. سەتتٸباەۆ قارسىلاسىنان ۇتىلعان جوق. ول ۇتتى. قىلي كٶز تٶرەشٸلەر جەڭٸستٸ الىپ قويدى. بٸز تٶرەشٸلەرمەن ايعايلاسۋعا قۇقىمىز جوق. سەتتٸباەۆقا ٶتە وبال بولدى. ول نەگٸزٸ بەرٸن جاساپ ەدٸ.
– شاعىم تٷسٸرۋگە بولار ەدٸ عوي. ەگەر سەنٸمدٸ بولساڭىزدار...
– بولار ٸس بولىپ كەتكەن سوڭ باسىڭدى تاسقا ۇر, تاۋعا ۇر ەشتەڭە ٶزگەرمەيدٸ. وسىدان-اق, ويىن باستالىپ كەتكەنٸن بايقاۋعا بولادى.
– ال جەنٸبەك ەلٸمحانۇلى دا وسىلاي تٶرەشٸلەردٸڭ قۇربانى بولدى ما?
– قازاقتا "قازاننان قاقپاق كەتسە, يتتەن ۇيات كەتەدٸ" دەگەن ەدەمٸ سٶز سٶز بار. بٷگٸنگٸ بوكسشىلارىمىزعا تۋرا سولاي تٶرەشٸلەر ۇياتسىزدىق جاسادى. جەنٸبەك قۇراماداعى بولاشاعى جارقىن بوكسشىلاردىڭ بٸرٸ ەدٸ. ونى دا كٶپسٸنگەن بولار, جارىس جولىنان تايدىرىپ سالدى. جەنٸبەك موينىنا وليمپيادانىڭ التىنىن تاعىپ تۇرسا دا, جاراساتىن جٸگٸت بولاتىن.
– دانييار ەلەۋسٸنوۆتٸڭ فينالعا ٶتۋٸ سٸزگە قانشالىقتى قۋانىش سىيلادى?
– دانيياردىڭ قارسىلاسى ٶتە مىقتى. مىقتىنى مىقتى دەپ مويىنداۋىمىز كەرەك. دانييار قارسىلاسىنىڭ ەلەۋەتٸن جاقسى بٸلەتٸن. سوندىقتان, بٸرٸنشٸ راۋندتان باستاپ جاقسى جۇدىرىقتاسا بٸلدٸ. ٶكٸنٸشكە قاراي ەكٸنشٸ راۋندتا ەكٸ بوكسشىنىڭ باستارى سوقتىعىسۋىنان دانيياردىڭ قاباعى جارىلىپ كەتتٸ. بۇل وليمپيادا ويىندارى عوي. سوندىقتان, ەر بوكسشى جەڭٸس ٷشٸن ەر تٷرلٸ قۇيتىرقى ەرەكەتتەرگە بارادى. قارسىلاسى دانيياردى باسپەن سٷزەمٸن دەپ, ٶزٸ جارىس جولىنان شىعىپ قالدى. مۇنداي ەرەكەتكە بارماۋى كەرەك ەدٸ. اقىرىنا دەيٸن ايقاسىپ, ٶزارا مىقتىنى ٶزدەرٸ شەشكەندە دۇرىس بولار ەدٸ. تٶرەشٸلەر وعان جارىستا رۇقسات ەتٸلمەگەن ەرەكەتتەرگە بارعانى ٷشٸن جەڭٸستٸ بٸزدٸڭ بوكسشىعا بەردٸ. بٸزگە نەگٸزٸ دانيياردىڭ اقىرىنا دەيٸنگٸ ايقاسى كەرەك بولاتىن.
– دەرٸگەرلەردٸڭ جەكپە-جەكتٸ ارى قاراي جالعاستىرۋعا رۇقسات ەتپەگەنٸنە قاراعاندا دانيياردىڭ ماڭدايىنىڭ جاراقاتى اۋىر بولعان سيياقتى...
– يە, ماڭدايى قاق ورتاسىنان جىرتىلىپ كەتتٸ. قازٸر جەرگٸلٸكتٸ دەرٸگەرلەر جٸپپەن تٸگٸپ, قولدارىنان كەلگەن بارلىق كٶمەكتەرٸن كٶرسەتتٸ. دانييارعا ەرتەڭ بٸر كٷن دەمالىس. ارعى كٷنٸ فينالدا التىن ٷشٸن ايقاسۋى كەرەك. ەگەر دەرٸگەرلەر جۇدىرىقتاسۋعا رۇحساتىن بەرٸپ جاتسا, التىن ٷشٸن ايانىپ قالماسى انىق. بۇيىرسا, مٷمكٸندٸكتٸ قولدان بەرمەيدٸ دەپ سەنەم.
– بٷگٸنگٸ باستى دودا لەۆيتتىڭ جەكپە-جەگٸنە ارنايى توقتالىپ ٶتٸڭٸزشٸ. جەڭٸس كٸمگە تەۋەلدٸ?
– لەۆيت جارادى! بارلىق تاپسىرمالاردى ويداعىداي ورىندادى. بٸراق, بٸز التىن كٷتكەمٸز. ول سول ٷمٸتتٸ اقتادى. ٷش راۋند بويى قارسىلاسىن بۇرىشتان بۇرىشقا قۋىپ جٷرٸپ سابادى. وسىنداي ەل كٶرٸپ تۇرعان جەڭٸستٸ تٶرەشٸلەر قارسىلاسىنا بەتتەرٸ بٷلك ەتپەستەن كٷشپەن, زورلىقپەن الىپ بەردٸ. ٶزدەرٸڭٸز كٶردٸڭٸزدەر, ريوداعى بارلىق سپورت جانكٷيەرلەرٸ بٸز جاقتا بولدى. تٶرەشٸلەر سوقىر بولسا دا, حالىق سوقىر ەمەس قوي. كٸمنٸڭ جەڭٸمپاز بولعانىن ولار كٶردٸ, بٸلدٸ. بٸزگە قولداۋ كٶرسەتتٸ. تٶرەشٸلەرگە قارسىلىعىن بٸلدٸرٸپ, ايعاي-شۋعا باستى. بٸراق, قۇلاعى كەرەڭ, كٶزٸ سوقىر ادامعا نە ٸستەي الامىز. "سوقىر تاۋىققا بەرٸ بيداي" دەگەن وسى بولار. جاڭا ماعان كەلٸپ, لەۆيتتٸڭ قارسىلاسى كەشٸرٸم سۇرادى. ول ٶزٸنٸڭ جەڭٸلگەنٸن بٸلٸپ تۇر. ول ماعان جەڭٸلٸسٸن مويىنداعانىمەن ەلەم الدىندا مويىنداعىسى كەلٸپ تۇرعان جوق. سەبەبٸ, وعان "لەۆيتتٸڭ سوققىسىنان قۇلاپ قالماساڭ بولدى. سٷيرەتٸلٸپ قالساڭ دا اقىرىنا دەيٸن شىدا. جەڭٸستٸ بٸز ساعان الىپ بەرەمٸز" دەگەن تاپسىرما بولعانى انىق كٶرٸنٸپ تۇر. ول سول ٷشٸن قانشا سوققى السا دا شىدادى. ٷشٸنشٸ راۋندتا كٸشكەنە جاراقاتىن كٶرسەتٸپ, دەمالىپ الۋعا تىرىستى. سول ارقىلى ول جەكپە-جەكتٸ اقىرىنا دەيٸن ٶيتٸپ- بٷيتٸپ جٷرٸپ جەتكٸزدٸ. ەگەر ول ٶتٸرٸك ٷزٸلٸس الماعاندا سٶزسٸز قۇلايتىن ەدٸ.
– مۇنداي جاعداي بۇرىندارى دا وليمپيادا ويىندارىندا كەزدەستٸ ما?
– دەل وسىنداي ٶرەسكەل قىلىقتى وسىعان دەيٸن كەزدەستٸرگەن ەمەسپٸن. بەرٸن ايبا ەسەپپەن ٸستەپ وتىرعانى ايقىن كٶرٸندٸ. سونداي-اق, ەربٸر مەملەكەت ٶزدەرٸ ٷشٸن قالاي جۇمىس جاساپ جاتقانىن وسىدان كٶرۋگە بولادى. بٸزدٸڭ جٸگٸتتەر كٷيٸپ كەتٸپ جاتىر. سوڭىندا قايتالاپ ايتارىم, بٸزدٸڭ بوكسشىلار ەلدٸ ۇيالتىپ جاتقان جوق. تەك, ەدٸلەتسٸزدٸكتٸڭ قۇربانى بولىپ جاتىر.
– ەڭگٸمەڭٸزگە راحمەت!
اۆتور: كٷنسۇلتان وتارباي
