كەمەڭگەر جازۋشى مۇحتار اۋەزوۆ «ەل بولامىن دەسەڭ، بەسىگىڭدى تۇزە» دەگەن قاناتتى ءسوزدى بەكەر قالدىرىپ كەتپەگەنى انىق. اتا ءسوزىن ارداقتايتىن №102 بالاباقشاسىنىڭ تاربيەشىسى باقىت قارىمساقوۆا ءوزى جەتەكشىلىك ەتەتىن توپ بۇلدىرشىندەرىنىڭ قاتىسۋىمەن ماڭىزدى شارا ۇيىمداستىرىپ، جاس جەتكىنشەكتەرگە الماتى قالاسى جايىندا قىزىقتى مالىمەتتەرىن ۇسىنىپ، بالالاردى وتانشىلدىققا تاربيەلەگەنىنە كۋا بولدىق.
قازىرگى تاڭدا بالانى بالاباقشادان تاربيەلەپ، ونەگەلى ازامات قىلىپ شىعارۋ – ەلىمىز ءۇشىن باسىم باعىتقا اينالىپ وتىرعانى انىق. وتاندى ءسۇيۋ، تۋعان جەرگە تاعزىم ەتۋدى جاس جەتكىنشەكتەرگە بالاباقشادان ۇيرەتەتىن بولساق، ەلىمىزدىڭ بولاشاعى جارقىن بولاتىنى ءسوزسىز. وسى ءبىر قاعيدانى مىقتاپ تۇرىپ ۇستانعان باقىت قارىمساقوۆا الماتى قالاسىنىڭ مىڭجىلدىق تاريحىن تەمىرقازىق ەتىپ الىپ، بۇلدىرشىندەردىڭ بويىنا وتانشىلدىق ءدانىن سەپكەنى اتا-انالار مەن بالاباقشا باسشىلىعىنىڭ كوڭىلىنەن شىققانى انىق.
ءوز كەزەگىندە بۇلدىرشىندەرگە اشىق ساباقتىڭ شىمىلدىعىن انمەن اشىپ، ءوز ونەرلەرىن كورسەتتى. بۇدان كەيىن بۇلدىرشىندەردىڭ تالىمگەرلەرى بالالارعا الماتى قالاسىنىڭ اسەم تابيعاتى جايىندا اڭگىمەلەپ بەردى. شارا بارىسىندا تالىمگەر بۇلدىرشىندەردەن الماتىنىڭ قانداي كورىكتى جەرلەرى بار ەكەنىن سۇراپ، ولاردىڭ تۋعان قالاسى جايىنداعى تانىم-تۇسىنىگىنىڭ ارتۋىنا ىقپال ەتكەنىنە كۋا بولدىق. شاراعا بەلسەنە قاتىسقان بۇلدىرشىندەردىڭ جۇرەك تۇكپىرىن جارىپ شىققان سوزدەرىنەن الماتىنىڭ اسەم تابيعاتى، كوكپەن تالاسقان بيىك تاۋلارى قاتتى قىزىقتىراتىنىن بايقادىق. اشىق ساباق بارىسىندا بالالار الماتى قالاسى جايىنداعى ولەڭدەرىن كەزەك-كەزەگىمەن ايتىپ، اشىق ساباقتى تاماشالاۋعا جينالعان قاۋىمنىڭ كوڭىلىن ءبىر سەرپىلتىپ تاستادى.
اينۇر جۇماحان
