Myńjyldyq tarihy bar Almatynyń kishkentai turǵyndary qalany ardaqtady
Almatynyń myńjyldyǵy qazir keń kólemde atalynyp ótip jatqany belgili. Almaty qalasynyń ákimi Baýyrjan Baibek myńjyldyq tarihy bar «Almatynyń damý baǵdarlamasy – 2020» keshendi jobasyn qalanyń ótken tarihy men keleshegin jan-jaqty zerttep, turǵyndarymen keńese otyryp, júzege asyrýǵa den qoiǵany belgili. Almatynyń myńjyldyq tarihyn jas urpaqtyń sanasyna quiyp, eljandy azamat qylyp tárbieleý – mańyzdy baǵyttardyń biri desek, artyq aitqandyq bolmas edi. Taiaýda Almaty qalasy Jetisý aýdandyq bilim bólimine qarasty №102 balabaqshasynda «Almaty qalasyna 1000 jyl» degen ashyq sabaq bolyp ótti.
Kalamendala sad.jpg02Kemeńger jazýshy Muhtar Áýezov «el bolamyn deseń, besigińdi túze» degen qanatty sózdi beker qaldyryp ketpegeni anyq. Ata sózin ardaqtaityn №102 balabaqshasynyń tárbieshisi Baqyt Qarymsaqova ózi jetekshilik etetin top búldirshinderiniń qatysýymen mańyzdy shara uiymdastyryp, jas jetkinshekterge Almaty qalasy jaiynda qyzyqty málimetterin usynyp, balalardy otanshyldyqqa tárbielegenine kýá boldyq.
Qazirgi tańda balany balabaqshadan tárbielep, ónegeli azamat qylyp shyǵarý – elimiz úshin basym baǵytqa ainalyp otyrǵany anyq. Otandy súiý, týǵan jerge taǵzym etýdi jas jetkinshekterge balabaqshadan úiretetin bolsaq, elimizdiń bolashaǵy jarqyn bolatyny sózsiz. Osy bir qaǵidany myqtap turyp ustanǵan Baqyt Qarymsaqova Almaty qalasynyń myńjyldyq tarihyn temirqazyq etip alyp, búldirshinderdiń boiyna otanshyldyq dánin sepkeni ata-analar men balabaqsha basshylyǵynyń kóńilinen shyqqany anyq.
Kalamendala sadÓz kezeginde búldirshinderge ashyq sabaqtyń shymyldyǵyn ánmen ashyp, óz ónerlerin kórsetti. Budan keiin búldirshinderdiń tálimgerleri balalarǵa Almaty qalasynyń ásem tabiǵaty jaiynda áńgimelep berdi. Shara barysynda tálimger búldirshinderden Almatynyń qandai kórikti jerleri bar ekenin surap, olardyń týǵan qalasy jaiyndaǵy tanym-túsiniginiń artýyna yqpal etkenine kýá boldyq. Sharaǵa belsene qatysqan búldirshinderdiń júrek túkpirin jaryp shyqqan sózderinen Almatynyń ásem tabiǵaty, kókpen talasqan biik taýlary qatty qyzyqtyratynyn baiqadyq. Ashyq sabaq barysynda balalar Almaty qalasy jaiyndaǵy óleńderin kezek-kezegimen aityp, ashyq sabaqty tamashalaýǵa jinalǵan qaýymnyń kóńilin bir serpiltip tastady.
Ainur JUMAHAN
