شەرزات بولاتتىڭ ٶلٸمٸنە قاتىستى ٶتٸپ جاتقان سوت وتىرىسىندا سوتتالۋشى شىڭعىس بەلگوجاەۆ سول تٷنٸ بولعان وقيعانىڭ ەگجەي-تەگجەيٸن باياندادى, دەپ حابارلايدى Dalanews.kz.
بەلگوجاەۆتىڭ ايتۋىنشا, 2024 جىلى 3 قازاننان 4-ٸنە قاراعان تٷنٸ ول دوسى ازامات توقتاۋباەۆپەن بٸرگە "ەيفورييا" كافەسٸنە بارىپ, سول جەردە بٸر توپ اداممەن كەزدەسكەن. كافە جابىلار سەتتە نۇربول توقتاۋباەۆ حابارلاسىپ, مەندەلەەۆ كٶشەسٸندەگٸ دٷكەن ماڭىندا بٸر جاعداي بولعانىن ايتىپ, ولاردى شاقىرعان.
"كافە جابىلاردا ازامات ابزالعا حابارلاسىپ, اۆتوبازاعا شاقىردى. "قاماجاي" دٷكەنٸنە بارعانىمىزدا 10 شاقتى ادام جينالىپ تۇردى. دارحان ەسكەنتايدىڭ بەتٸ قان ەدٸ. نە بولعانىن سۇراعانىمىزدا, بٸرەۋلەر ۇرىپ كەتكەنٸن ايتتى. سول سەتتە قارجاۋباي دٷكەننەن پىشاقپەن جٷگٸرٸپ شىقتى. توقتايدى دەپ ويلاپ, مەن دە بەكٸمدٸ شىعارىپ, ونى قايتا دٷكەن ٸشٸنە كٸرگٸزۋگە تىرىستىم. "قويىڭدار, قويىڭدار, پىشاقتى تاستا" دەگەنٸمٸزگە قاراماي, پىشاعىن تاستامايدى. بٸراق ول پىشاقتى تاستاماي قويدى. ونىڭ قولىنداعى اس ٷي پىشاعى بولاتىن", – دەدٸ سوتتالۋشى.
بەلگوجاەۆ وقيعانىڭ ەرٸ قاراي تٶبەلەسكە ۇلاسقانىن ايتتى. ونىڭ سٶزٸنشە, كٸم بٸرٸنشٸ ۇرعانىن بايقاي الماعان. وسى كەزدە بەلگٸسٸز بٸرەۋ مىلتىقتان وق اتىپ, ەكٸنشٸ وعىن اتقالى جاتقانىن كٶرٸپ, دٷكەن جانىنداعى اعاش جاققا قاراي قاشقان.
"كەيٸن بەرٸ العا قاراي جٷرە باستادى. مەن دە سولارعا قوسىلىپ جٷگٸرٸپ باردىم. مىلتىق ۇستاعان ادامدى ۇرامىن دەپ ويلادىم, بٸراق كەيٸن ۆيدەودان قاراسام, شەرزاتتى ۇرعان ەكەنمٸن. ۇردىم, تەپتٸم. سوسىن "كەتتٸك, كەتتٸك" دەگەن داۋىس ەستٸلگەندە, بەرٸمٸز كٶلٸككە وتىرىپ, وقيعا بولعان جەردەن كەتٸپ قالدىق", - دەدٸ ول.
