شەرزات ٸسٸ بويىنشا كٸنەلٸ دەپ تانىلعان نۇربول توقتاۋباەۆ سوتتا جاۋاپ بەردٸ. قورعاۋشى ونىڭ دٷكەن الدىنداعى ەرەكەتتەرٸ مەن وق اتىلعان سەتتەگٸ جاعدايعا قاتىستى بٸرنەشە سۇراق قويدى, دەپ حابارلايدى Dalanews.kz.
— قاماجاي دٷكەنٸنٸڭ الدىنداعى جاعدايدى ايتىپ بەرٸڭٸزشٸ, – دەدٸ قورعاۋشى.
— مەن قارجاۋبايدى سابىرعا شاقىرۋمەن بولدىم. تٶبەلەس اشۋ ويىمدا بولعان جوق, – دەدٸ ول.
— ەكٸ قىز بولدى. ولار ەسٸكتٸ بۇعاتتاپ, قارجاۋبايدى شىعارماي جاتقانىن كٶردٸڭٸز بە?
— جوق, وندايدى كٶرمەدٸم. ول ەكٸ قىز دٷكەنگە كٸرٸپ كەتتٸ. قىزداردىڭ دٷكەنگە كٸرگەنٸن عانا بٸلەمٸن, – دەدٸ ول.
— مىلتىقتى ناقتى كٸم ەكەلگەنٸن كٶردٸڭٸز بە?
— يە, كٶردٸم. ونى نۇرعانات ەكەلگەن بولاتىن.
— مىلتىقتى قاي جەردەن شىعاردى?
— دٷكەننٸڭ جانىندا قارا اعاش تۇر. سونىڭ جانىندا اتتى.
— مىلتىقتى كٶلٸكتەن الىپ شىقتى ما?
— قاراڭعىلاۋ جەردەن شىقتى. قاس-قاعىم سەتتە بولدى. ايعايلاعان كەزدە عانا كٶردٸم. سٶيتٸپ مىلتىقتى اسپانعا, كەيٸن بٸزگە اتتى.
— وق اتىلعان كەزدە سٸزدەرگە بٸر نەرسە ايتتى ما?
— يە, ايعايلادى. انايى سٶزدەر ايتتى.
— وق اتىلعان كەزدە كٸمنٸڭ قاي جەردە تۇرعانىن ايتا الاسىز با?
— مەن سول كەزدە تۋعان ٸنٸمە قارادىم. ول قورىققان كٷيدە مەرسەدەس اۆتوكٶلٸگٸنٸڭ ارتىنا تىعىلىپ, ەشقانداي دەنە جاراقاتىن المادىم با دەپ اياعىنا قاراپ تۇردى. ال دۋمان ىسقاققا "كٶلٸكتە وتىر!" دەپ بۇيىردىم. ول كٶلٸكتەن شىقپادى. ال قالعاندارىنىڭ ٸس-ەرەكەتٸن كٶرمەدٸم.
— نۇرعانات پەن شەرزاتتىڭ قۇلاپ جاتقان جەرٸنە ٶزٸڭٸز باردىڭىز با?
— يە, مەن ٶزٸم باردىم. نۇرعاناتتىڭ اياعىنان بٸر-ەكٸ رەت تەپكەنٸمدٸ مويىندايمىن. ارتىنان دارحان الىپ كەتتٸ. ٶزٸم دە قايتايىن دەپ تۇرعانمىن.
— ال ۆيدەودا ٶزٸڭٸزدٸ تانىدىڭىز با?
— يە, مەن بەينەجازباداعى ٶز ەرەكەتتەرٸمدٸ قۇپتايمىن. ٶتٸرٸك ايتىپ, ەشتەڭە قوسپايمىن.
— ۆيدەودا كٶرٸنٸپ تۇر عوي. سول كەزدەگٸ سٸزدٸڭ ٸس-ەرەكەتٸڭٸز قانداي بولدى?
— مىلتىق اتىلعاننان كەيٸن ابدىراپ قالدىق. تٶبەلەسكە كٸرۋگە مەجبٷر بولدىم. بالالار بارىپ جاتقاننان كەيٸن مەن دە باردىم. سٶيتٸپ, نۇرعاناتتى بٸر-ەكٸ رەت تەپتٸم.
— سٸز تەپكەن كەزدە نۇرعانات قانداي حەلدە بولدى?
— وتىرعان.
— ال ونىڭ جانىندا قانداي ادامدار بولدى? اتاپ ايتا الاسىز با?
— جوق, ەسٸمدە جوق.
— ال شەرزاتتى ۇرىپ جاتقانىن كٶردٸڭٸز بە?
— مەن شەرزاتتى ۇرىپ جاتقان جەرگە بارمادىم. اراسى 4–5 مەتردەي بولدى. مەن نۇرعاناتتىڭ اياق جاعىنا قاراي باردىم. ار جاعىنا بارعان جوقپىن.
— ال بٷگٸنگٸ ۆيدەودان ٶزٸڭٸزدٸ كٶردٸڭٸز بە?
— ٶزٸمدٸ كٶردٸم. نۇرعانات بەر جاعىندا جاتتى, شەرزات ار جاعىندا جاتتى. نۇرعاناتتىڭ اياق جاعىنا دەيٸن عانا باردىم. ال ەگەر ارى قاراي 4–5 مەتر جٷرەتٸن بولسام, شەرزات جاققا ٶتٸپ كەتەتٸن ەدٸم. ال مەن ول جاققا بارمادىم.
— ال ەندٸ جەبٸرلەنۋشٸ رەتٸندە تانىلعان بيشەمبيەۆانىڭ جاۋابىن ەستٸدٸڭٸز. "مەنٸڭ بٸر قولىمدى سٸز ۇستاپ تۇردى", – دەدٸ. ونداي جاعداي بولدى ما?
— مەن ول كەزدە... ول ەيەل ادامدى... مىلتىق اتىلعاننان كەيٸن ابدىراپ قالدىق قوي. سول كەزدە ەيەل ادامنىڭ داۋىسى شىعىپ جاتتى. مەن سول جەردە تٶبەلەس بولىپ جاتقان سوڭ, كٸمنٸڭ ەكەسٸ, كٸمنٸڭ شەشەسٸ ەكەنٸن بٸلمەدٸم. جەنە شەرزاتتىڭ 16 جاستا ەكەنٸن دە بٸلگەن جوقپىن. جالعان ايعاق. مەن بيشەمبيەۆانىڭ قولىنان ۇستامادىم. تٷرٸن دە كٶرگەن جوقپىن.
— وقيعادا نەگٸزٸ قانشا ادام بولدى?
— مەن ەيەل ادامنىڭ داۋىسىن عانا ەستٸدٸم.
