قازاقستاندا الداعى مەرەكەلەر كەزٸندە ەۋە جەنە تەمٸرجول بيلەتتەرٸنٸڭ قۇنى ٶزگەرمەيدٸ. بۇل تۋرالى كٶلٸك ۆيتسە-مينيسترٸ ماقسات قالياقپاروۆ ٷكٸمەت كۋلۋارىندا ايتتى, دەپ حابارلايدى Dalanews.kz.
قالياقپاروۆتىڭ سٶزٸنشە, جاڭا جىلدىق سۇرانىستىڭ ارتۋىنا قاراماستان, تاسىمالداۋشىلار تاريفتٸ كٶتەرۋدٸ جوسپارلاپ وتىرعان جوق.
"بيلەت باعاسىن قىمباتتاتۋ قاراستىرىلماعان. كٶپشٸلٸك ساپارىن ەرتەرەك جوسپارلاپ, بيلەتتەرٸن الدىن الا ساتىپ الادى. سوندىقتان ولار ٷشٸن قولجەتٸمدٸ باعا ساقتالادى", – دەدٸ ول.
ۆيتسە-مينيستر مەرەكەلٸك كەزەڭدەگٸ جولاۋشىلار اعىمىن ەسكەرٸپ, قوسىمشا رەيستەردٸڭ دايىندالعانىن جەتكٸزدٸ.
ونىڭ ايتۋىنشا, اۆياكومپانييالار قوسىمشا ەۋە كەمەلەرٸن بٶلگەن. رەيس سانى كٶبەيەدٸ. سونداي-اق الماتى, شىمكەنت, تاراز باعىتتارىنا سۇرانىس جوعارى.
تەمٸرجول سالاسىندا دا دەل وسىنداي شارالار قابىلدانۋدا.
"پويىزدار سانى ارتادى. بۇعان قوسا, بار مارشرۋتتارعا قوسىمشا ۆاگوندار تٸركەپ, جولاۋشى ورىندارى كەڭەيتٸلەدٸ", – دەدٸ ۆەدومستۆو ٶكٸلٸ.
