قازاقستان اتىنان ٶنەر كٶرسەتەتٸن تەننيسشٸ الەكساندر بۋبليك ەلەنا رىباكينانىڭ سپورتتىق جولى مەن تابىسىنا قاتىستى ويىن ورتاعا سالدى, دەپ حابارلايدى Dalanews.kz.
ول رەسەيلٸك جۋرناليستكە بەرگەن سۇحباتىندا قازاقستاننىڭ تەننيسكە جاساعان جاعدايى ەكەۋٸنٸڭ دە جوعارى دەڭگەيگە شىعۋىنا شەشۋشٸ رٶل اتقارعانىن ايتتى.
بۋبليكتٸڭ ايتۋىنشا, رىباكينانىڭ قازاقستان قۇراماسىنا قوسىلىپ, ەلەمدٸك ارەنادان ورىن الۋى - ەلدەگٸ سپورتتىق جٷيەنٸڭ, ينفراقۇرىلىمنىڭ جەنە جانكٷيەرلەر قولداۋىنىڭ نەتيجەسٸ. ونىڭ پٸكٸرٸنشە, دەل وسى ورتا ەلەناعا ەلەۋەتٸن تولىق اشىپ, ٸرٸ جەڭٸستەرگە جەتۋگە مٷمكٸندٸك بەرگەن.
سۇحبات بارىسىندا بۋبليك ٶز جولى جايلى دا توقتالىپ ٶتتٸ. ول رەسەي سپورتىنا قاتىستى كٶزقاراسىن, جەكە ۇستانىمدارىن جەنە قازاقستاندى تاڭداۋىنا نە سەبەپ بولعانىن تٷسٸندٸردٸ.
بۇل ەڭگٸمە جارييالانعان سوڭ ەلەۋمەتتٸك جەلٸدە كەڭٸنەن تارالىپ, تەننيس جانكٷيەرلەرٸ اراسىندا قىزۋ پٸكٸرتالاس تۋدىردى.
ەسكە سالايىق,قازاقستاندىق الەكساندر بۋبليك ٶتكەن اپتادا گونكونگتە ٶتكەن ATP 250 ساناتىنداعى حارد جابىندى تۋرنيردە چەمپيون اتاندى. بۇل نەتيجە وعان بريتاندىق دجەك درەيپەردٸ باسىپ وزىپ, ەلەمدٸك رەيتينگتە 11-ورىننان 10-ورىنعا كٶتەرٸلۋگە مٷمكٸندٸك بەردٸ.
وسىلايشا بۋبليك جەكە رەكوردىن جاڭارتتى. ول ATP رەيتينگٸنٸڭ توپ-10 قاتارىنا ەنگەن تۇڭعىش قازاقستاندىق تەننيسشٸ اتاندى. بۇعان دەيٸن 28 جاستاعى سپورتشى ٶزٸنٸڭ تاريحي جەتٸستٸگٸنە قاتىستى پٸكٸر بٸلدٸرگەن بولاتىن.
ەلەمدٸك رەيتينگتٸڭ كٶشٸن يسپانييالىق كارلوس الكاراس باستاپ تۇر. ال العاشقى ٷشتٸكتە ودان كەيٸن يتالييالىق ياننيك سيننەر مەن گەرمانييالىق الەكساندر زۆەرەۆ ورنالاسقان.
