Qazaqstan atynan óner kórsetetin tennisshi Aleksandr Býblik Elena Rybakinanyń sporttyq joly men tabysyna qatysty oiyn ortaǵa saldy, dep habarlaidy Dalanews.kz.
Ol reseilik jýrnalistke bergen suhbatynda Qazaqstannyń tenniske jasaǵan jaǵdaiy ekeýiniń de joǵary deńgeige shyǵýyna sheshýshi ról atqarǵanyn aitty.
Býbliktiń aitýynsha, Rybakinanyń Qazaqstan quramasyna qosylyp, álemdik arenadan oryn alýy - eldegi sporttyq júieniń, infraqurylymnyń jáne jankúierler qoldaýynyń nátijesi. Onyń pikirinshe, dál osy orta Elenaǵa áleýetin tolyq ashyp, iri jeńisterge jetýge múmkindik bergen.
Suhbat barysynda Býblik óz joly jaily da toqtalyp ótti. Ol Resei sportyna qatysty kózqarasyn, jeke ustanymdaryn jáne Qazaqstandy tańdaýyna ne sebep bolǵanyn túsindirdi.
Bul áńgime jariialanǵan soń áleýmettik jelide keńinen taralyp, tennis jankúierleri arasynda qyzý pikirtalas týdyrdy.
Eske salaiyq,qazaqstandyq Aleksandr Býblik ótken aptada Gonkongte ótken ATP 250 sanatyndaǵy hard jabyndy týrnirde chempion atandy. Bul nátije oǵan britandyq Djek Dreiperdi basyp ozyp, álemdik reitingte 11-orynnan 10-orynǵa kóterilýge múmkindik berdi.
Osylaisha Býblik jeke rekordyn jańartty. Ol ATP reitinginiń top-10 qataryna engen tuńǵysh qazaqstandyq tennisshi atandy. Buǵan deiin 28 jastaǵy sportshy óziniń tarihi jetistigine qatysty pikir bildirgen bolatyn.
Álemdik reitingtiń kóshin ispaniialyq Karlos Alkaras bastap tur. Al alǵashqy úshtikte odan keiin italiialyq Iannik Sinner men germaniialyq Aleksandr Zverev ornalasqan.
