تۇركىستان وبلىسىندا 1،9 ميلليارد تەڭگەدەن استام قارجى جىمقىرعان ۇيىمداسقان قىلمىستىق توپتىڭ ارەكەتى توقتاتىلدى، دەپ حابارلايدى Dalanews.kz.

قىلمىستىق توپ «سىباعا» مەملەكەتتىك باعدارلاماسى اياسىندا ءىرى قارا مال ساتىپ الۋعا باعىتتالعان سۋبسيديالاۋعا بولىنگەن جەڭىلدەتىلگەن كرەديتتەر الۋدىڭ الاياقتىق سحەماسىن پايدالانعان.

ول ءۇشىن كەنتاۋ قالاسىندا "ياسسى-كرەديت نس " كرەديتتىك سەرىكتەستىگى" ج ش س قۇرىلىپ، ءىس جۇزىندە جوق "Expert Consulting Group" ج ش س اتىنان جالعان قۇجاتتار مەن مۇلىكتى باعالاۋلاردىڭ جالعاناكتىلەرىن پايدالانعان.

مەملەكەتتىك نەسيە الۋ وتىنىمدەرىن قاراۋ جونىندەگى كوميسسيانىڭ ءتوراعاسى بولىپ قىزمەت اتقارعان ۇيىمداستىرۋشى قىلمىستىق سحەمانى ازىرلەپ، قاتىسۋشىلاردىڭ ارەكەتتەرىن ۇيلەستىرگەن.

ول الەۋەتتى قاتىسۋشىلاردى ىزدەپ، ولاردىڭ رولدەرىن ءبولىپ، جالعان نەسيەلەر راسىمدەۋ پروسەسىن باقىلاعان. سونداي-اق، قۇجاتتاردى راسىمدەۋ ءۇشىن جەكە تۇلعالاردى ىزدەۋگە نۇسقاۋ بەرىپ وتىرعان  جانە بۇرمالانعان سالىستىرۋ اكتىلەرىن جاساۋعا قاتىسىپ، اي سايىنعى تولەمدەرگە باقىلاۋ جاساعان، ال جىمقىرىلعان قاراجات توپ مۇشەلەرى اراسىندا ءبولىنىپ وتىرعان.

قازىرگى ۋاقىتتا قىلمىستىق ءىس اياسىندا 27 ادام كۇدىكتى دەپ تانىلدى.

سونىمەن قاتار، جالپى سوماسى 1 ميلليارد تەڭگەدەن استام كۇدىكتىلەردىڭ مۇلكىنە تىيىم سالىنعان.

ق ر قپك 201-بابىنا سايكەس باسقا مالىمەتتەر جاريالانۋعا جاتپايدى.