Túrkistan oblysynda 1,9 milliard teńgeden astam qarjy jymqyrǵan uiymdasqan qylmystyq toptyń áreketi toqtatyldy, dep habarlaidy Dalanews.kz.
Qylmystyq top «Sybaǵa» memlekettik baǵdarlamasy aiasynda iri qara mal satyp alýǵa baǵyttalǵan sýbsidiialaýǵa bólingen jeńildetilgen kreditter alýdyń alaiaqtyq shemasyn paidalanǵan.
Ol úshin Kentaý qalasynda "Iassy-kredit NS " Kredittik seriktestigi" JShS qurylyp, is júzinde joq "Expert Consulting Group" JShS atynan jalǵan qujattar men múlikti baǵalaýlardyń jalǵanaktilerin paidalanǵan.
Memlekettik nesie alý ótinimderin qaraý jónindegi komissiianyń tóraǵasy bolyp qyzmet atqarǵan uiymdastyrýshy qylmystyq shemany ázirlep, qatysýshylardyń áreketterin úilestirgen.
Ol áleýetti qatysýshylardy izdep, olardyń rólderin bólip, jalǵan nesieler rásimdeý protsesin baqylaǵan. Sondai-aq, qujattardy rásimdeý úshin jeke tulǵalardy izdeýge nusqaý berip otyrǵan jáne burmalanǵan salystyrý aktilerin jasaýǵa qatysyp, ai saiynǵy tólemderge baqylaý jasaǵan, al jymqyrylǵan qarajat top músheleri arasynda bólinip otyrǵan.
Qazirgi ýaqytta qylmystyq is aiasynda 27 adam kúdikti dep tanyldy.
Sonymen qatar, jalpy somasy 1 milliard teńgeden astam kúdiktilerdiń múlkine tyiym salynǵan.
QR QPK 201-babyna sáikes basqa málimetter jariialanýǵa jatpaidy.
