ەرلان ءبىلال ق ر قىلمىستىق كودەكسىنىڭ 24-بابى، 3-بولىگى، 366-بابى، 2-بولىگىندە (پارا الۋعا وقتالۋ) قاراستىرىلعان قىلمىستى جاسادى دەپ ايىپتالۋدا. سوتتا ول "سەزام" شىعارماشىلىق قورىنىڭ پرەزيدەنتى بايانوۆتان 2018 جىلدىڭ 2 قاڭتارى كۇنى 600 مىڭ تەڭگە العانىن ايتتى. 4 قاڭتار كۇنى 900 مىڭ تەڭگە الىپ جاتقان جەرىنەن ۇستالعان.
وتكەن سوت وتىرىستارىندا بايانوۆ سوتتالۋشىدان 600 مىڭ تەڭگە ماتەريالدىق شىعىن تالاپ ەتكەن بولاتىن، ايىپتالۋشى تاراپ بۇل قارجىنى تولەگەن. دەگەنمەن بۇگىن بايانوۆ مورالدىق شىعىن رەتىندە تاعى ميلليون تەڭگە تالاپ ەتىپ جاتقانى بەلگىلى بولدى، قورعاۋشىلار ونىمەن كەلىسپەي وتىر. سوت اتالعان ماسەلەگە قاتىستى ۇكىم شىعاراتىن كەزدە شەشىم قابىلدايدى.
مەملەكەتتىك ايىپتاۋشى ەرلان بىلالگە جازا رەتىندە پارانىڭ الپىس ەسەلەنگەن كولەمى —
90 ميلليون تەڭگە ءوندىرۋدى سۇرادى.
سونىمەن بىرگە پروكۋرور مۇلىكتى تاركىلەۋگە نەگىز جوق ەكەنىن اتاپ ءوتتى. سونداي-اق، ول سوتتان ەرلان ءبىلالدىڭ بارلىق مەملەكەتتىك ناگراداسى مەن مەدالدەرىنەن ايىرۋعا ۇسىنىم ەنگىزۋدى سۇرادى.
https://dalanews.kz/33225
قورعاۋشى تاراپ قىلمىستىق كودەكستىڭ 65-بابى بويىنشا (قاتتى وكىنۋىنە بايلانىستى قىلمىستىق جاۋاپكەرشىلىكتەن بوساتۋ) ءبىلالدى قىلمىستىق جاۋاپكەرشىلىكتەن بوساتۋ نەمەسە پروكۋرور سۇراعان ايىپپۇل كولەمىن تومەندەتۋدى سۇرادى. سونداي-اق، ونىڭ ءتورت بالاسى بار ەكەنى، ونىڭ ەكەۋى كامەلەتكە تولماعانى اتالىپ ءوتتى.
ءبىلال سوتتان ۇكىم شىعارار كەزدە ءوزىنىڭ دەنساۋلىق جاعدايىن، كىناسىن مويىنداعانىن نازارعا الا وتىرىپ، باس بوستاندىعىنان ايىرماۋدى جانە مۇمكىن بولسا ايىپپۇل كولەمىن تومەندەتۋدى سۇرادى.
ەستەرىڭىزگە سالا كەتسەك، 5 قاڭتاردا م.اۋەزوۆ اتىنداعى اكادەميالىق قازاق دراما تەاترىنىڭ ديرەكتورى تەاتر بازاسىن بالالارعا ارنالعان مەرەكەلىك شارالاردى وتكىزۋگە جالعا بەرگەنى ءۇشىن 1،5 ميلليون تەڭگە كولەمىندە پارا الماق بولعانى انىقتالدى.
ق ر ەڭبەك سىڭىرگەن قايراتكەرى ەرلان ءبىلال اۋەزوۆ اتىنداعى قازاق مەملەكەتتىك اكادەميالىق دراما تەاترىن 2015 جىلدىڭ 27 ساۋىرىنەن بەرى باسقارىپ كەلگەن.
https://dalanews.kz/33294
