Erlan Bilál QR Qylmystyq kodeksiniń 24-baby, 3-bóligi, 366-baby, 2-bóliginde (para alýǵa oqtalý) qarastyrylǵan qylmysty jasady dep aıyptalýda. Sotta ol "Sezam" shyǵarmashylyq qorynyń prezıdenti Baıanovtan 2018 jyldyń 2 qańtary kúni 600 myń teńge alǵanyn aıtty. 4 qańtar kúni 900 myń teńge alyp jatqan jerinen ustalǵan.
Ótken sot otyrystarynda Baıanov sottalýshydan 600 myń teńge materıaldyq shyǵyn talap etken bolatyn, aıyptalýshy tarap bul qarjyny tólegen. Degenmen búgin Baıanov moraldyq shyǵyn retinde taǵy mıllıon teńge talap etip jatqany belgili boldy, qorǵaýshylar onymen kelispeı otyr. Sot atalǵan máselege qatysty úkim shyǵaratyn kezde sheshim qabyldaıdy.
Memlekettik aıyptaýshy Erlan Bilálge jaza retinde paranyń alpys eselengen kólemi —
90 mıllıon teńge óndirýdi surady.
Sonymen birge prokýror múlikti tárkileýge negiz joq ekenin atap ótti. Sondaı-aq, ol sottan Erlan Biláldiń barlyq memlekettik nagradasy men medalderinen aıyrýǵa usynym engizýdi surady.
https://dalanews.kz/33225
Qorǵaýshy tarap Qylmystyq kodekstiń 65-baby boıynsha (qatty ókinýine baılanysty qylmystyq jaýapkershilikten bosatý) Biláldi qylmystyq jaýapkershilikten bosatý nemese prokýror suraǵan aıyppul kólemin tómendetýdi surady. Sondaı-aq, onyń tórt balasy bar ekeni, onyń ekeýi kámeletke tolmaǵany atalyp ótti.
Bilál sottan úkim shyǵarar kezde óziniń densaýlyq jaǵdaıyn, kinásin moıyndaǵanyn nazarǵa ala otyryp, bas bostandyǵynan aıyrmaýdy jáne múmkin bolsa aıyppul kólemin tómendetýdi surady.
Esterińizge sala ketsek, 5 qańtarda M.Áýezov atyndaǵy akademıalyq qazaq drama teatrynyń dırektory teatr bazasyn balalarǵa arnalǵan merekelik sharalardy ótkizýge jalǵa bergeni úshin 1,5 mıllıon teńge kóleminde para almaq bolǵany anyqtaldy.
QR eńbek sińirgen qaıratkeri Erlan Bilál Áýezov atyndaǵy qazaq memlekettik akademıalyq drama teatryn 2015 jyldyń 27 sáýirinen beri basqaryp kelgen.
https://dalanews.kz/33294
