بيلىك اتىراۋ جانە پاۆلودار مۇناي وڭدەۋ زاۋىتتارىنىڭ جارتىلاي جەكەشەلەندىرۋىن جوسپارلاپ وتىر، دەپ حادارلايدى Dalanews.kz.
بۇعان دەيىن شىمكەنت مۇناي وڭدەۋ زاۋىتىنىڭ 50%-ى جەكە كومپانياعا وتكەن بولاتىن.
ازرك ءتوراعاسىنىڭ ءبىرىنشى ورىنباسارى رۋستام احمەتوۆتىڭ ايتۋىنشا، بۇل شەشىم جەكەشەلەندىرۋگە ۇسىنىلعان 500 كاسىپورىننىڭ ءتىزىمىن قالىپتاستىرۋ اياسىندا قابىلدانعان. اگەنتتىك وكىلدەرىنىڭ پىكىرىنشە، جەكە مەنشىك باسقارۋ ءوندىرىستىڭ تۇراقتىلىعىن ارتتىرىپ، اپاتتاردىڭ سانىن ازايتۋعا ىقپال ەتەدى. بۇل ءۇردىس شىمكەنت مۇناي وڭدەۋ زاۋىتىنىڭ تاجىريبەسىنەن بايقالىپ وتىر.
بۇعان دەيىن “سامۇرىق-قازىنا” قورىنىڭ باسشىسى نۇرلان جاقىپوۆ مۇناي وڭدەۋ زاۋىتتارىن جەكەشەلەندىرۋ مۇمكىندىگى تۋرالى سۇراققا ناقتى جاۋاپ بەرمەگەن ەدى. ەندى بيلىك بۇل جوسپارلارىن رەسمي تۇردە راستادى، الايدا الداعى كەلىسىمدەردىڭ ەگجەي-تەگجەيى ءالى جاريالانعان جوق.
