Bilik Atyraý jáne Pavlodar munai óńdeý zaýyttarynyń jartylai jekeshelendirýin josparlap otyr, dep hadarlaidy Dalanews.kz.
Buǵan deiin Shymkent munai óńdeý zaýytynyń 50%-y jeke kompaniiaǵa ótken bolatyn.
AZRK tóraǵasynyń birinshi orynbasary Rýstam Ahmetovtiń aitýynsha, bul sheshim jekeshelendirýge usynylǵan 500 kásiporynnyń tizimin qalyptastyrý aiasynda qabyldanǵan. Agenttik ókilderiniń pikirinshe, jeke menshik basqarý óndiristiń turaqtylyǵyn arttyryp, apattardyń sanyn azaitýǵa yqpal etedi. Bul úrdis Shymkent munai óńdeý zaýytynyń tájiribesinen baiqalyp otyr.
Buǵan deiin “Samuryq-Qazyna” qorynyń basshysy Nurlan Jaqypov munai óńdeý zaýyttaryn jekeshelendirý múmkindigi týraly suraqqa naqty jaýap bermegen edi. Endi bilik bul josparlaryn resmi túrde rastady, alaida aldaǵy kelisimderdiń egjei-tegjeii áli jariialanǵan joq.
