مەجٸلٸس دەپۋتاتى سامات نۇرتازا قازاقستانداعى بٸلٸم بەرۋ ۇيىمدارىنىڭ قاۋٸپسٸزدٸگٸنە قاتىستى مەسەلە كٶتەرٸپ, مەكتەپتەر مەن بالاباقشالار ماڭىندا پاترۋلدەۋدٸ كٷشەيتۋدٸ ۇسىندى, دەپ حابارلايدى Dala News.
دەپۋتاتتىڭ ايتۋىنشا, سوڭعى ۋاقىتتا اتا-انالار مەن قوعامدى الاڭداتقان قاۋٸپسٸزدٸك دەڭگەيٸ بٸرٸزدٸ ستاندارتتىڭ جوقتىعىن كٶرسەتٸپ وتىر. كٶپ جاعدايدا وقۋ ورىندارىنداعى كٷزەت قىزمەتٸن زەينەت جاسىنداعى ادامدار اتقارادى, ال تٶمەن جالاقى سالدارىنان بۇل سالاعا كەسٸبي مامانداردى تارتۋ قيىن.
سونىمەن قاتار, ەلدەگٸ بٸلٸم بەرۋ ۇيىمدارىنىڭ باسىم بٶلٸگٸندە كٸرٸپ-شىعۋدى باقىلاۋعا ارنالعان تەحنيكالىق قۇرالدار جوق.
«كٶپتەگەن مەكتەپتەر مەن جوعارى وقۋ ورىندارىندا مەتالل ٸزدەگٸش سەكٸلدٸ قاراپايىم تەكسەرۋ جابدىقتارى دا قاراستىرىلماعان. بۇل – ٷلكەن ولقىلىق», – دەدٸ دەپۋتات مەجٸلٸس وتىرىسىندا.
سامات نۇرتازا الماتىداعى جوعارى وقۋ ورىندارىنىڭ بٸرٸندە بولعان سوڭعى وقيعانى مىسالعا كەلتٸردٸ. ول كەزدە ستۋدەنت وقۋ ورنىنا پىشاقپەن كٸرٸپ, وقىتۋشىعا شابۋىل جاساعان. بۇعان قوسا, جىل باسىنان بەرٸ ەلەۋمەتتٸك جەلٸلەردە بٸلٸم بەرۋ ۇيىمدارىنا قاتىستى جالعان شابۋىل تۋرالى حابارلامالار بٸرنەشە رەت تاراعان.
«مۇنداي قاۋەسەتتەر اتا-انالار, ستۋدەنتتەر مەن ۇستازدار اراسىندا جاپپاي ٷرەي تۋعىزدى. بۇل دا قاۋٸپسٸزدٸك جٷيەسٸنٸڭ ەلسٸز ەكەنٸن كٶرسەتەدٸ», – دەدٸ دەپۋتات.
وسىعان بايلانىستى دەپۋتات بٸرقاتار ناقتى ۇسىنىس ايتتى. اتاپ ايتقاندا:
•بٸلٸم بەرۋ ۇيىمدارىنىڭ قاۋٸپسٸزدٸگٸنە ارنالعان بٸرىڭعاي ۇلتتىق ستاندارت ەنگٸزۋ;
•بالاباقشا مەن مەكتەپتەردٸ كٷزەتۋ قىزمەتٸن تەك ارنايى ليتسەنزيياسى بار ۇيىمدارعا تاپسىرۋ;
•بارلىق بٸلٸم بەرۋ مەكەمەلەرٸندە, سونىڭ ٸشٸندە بالاباقشالاردا مٸندەتتٸ تەكسەرۋ جابدىقتارىن ورناتۋ;
•وقۋ ورىندارى ورنالاسقان اۋماقتاردا پوليتسييا پاترۋلٸن كٷشەيتۋ.
دەپۋتاتتىڭ پٸكٸرٸنشە, بۇل شارالار بالالار مەن پەداگوگتەردٸڭ قاۋٸپسٸزدٸگٸن قامتاماسىز ەتۋگە جەنە قوعامداعى الاڭداۋشىلىقتى ازايتۋعا مٷمكٸندٸك بەرەدٸ.
