ەلدە بۇقارالىق شارالارعا تىيىم سالىندى.

قازاقستاندا بۇقارالىق قوعامدىق شارالار وتكىزۋگە ۋاقىتشا تىيىم ەنگىزىلدى،دەپ حابارلايدى dalanews.kz. 

13 ناۋرىزدان باستاپ كوروناۆيرۋستىق ينفەكسيانىڭ الدىن الۋ ءۇشىن بۇقارالىق ءىس-شارالارعا، ونىڭ ىشىندە سپورتتىق جانە مادەني ويىن-ساۋىققا تىيىم سالىنادى.

سانيتارلىق جانە دەزينفەكسيالىق رەجيمدەر كۇشەيتىلدى، مەكتەپ وقۋشىلارىنا ەكسكۋرسيا جاساۋعا تىيىم سالىندى.

وقۋشىلار مەن ستۋدەنتتەر دەمالىسقا 16 ناۋرىزدان 5 ساۋىرگە دەيىن جىبەرىلەدى.

16 ناۋرىزدان باستاپ تەحنيكالىق جانە كاسىپتىك ءبىلىم بەرۋ مەكەمەلەرى مەن جوعارعى وقۋ ورىندارى قاشىقتان وقىتۋ تۇرىنە كوشەدى.

"قازاقستاندا كوروناۆيرۋس ينفەكسياسى تىركەلگەن جوق"، – دەدى پرەمەر-مينيستردىڭ ورىنباسارى ەرالى توعجانوۆ.

ەلىمىزدەگى جوسپارلانعان سپورتتىق ويىندار كورەرمەنسىز وتەدى.

ساۋدا ورتالىقتارى قالىپتى جۇمىس ىستەيدى، ورتالىقتارداعى كينوتەاترلار جۇمىسىن توقتاتادى.