سەنات دەپۋتاتى رۋسلان رٷستەموۆ ەلٸمٸزدەگٸ مەكتەپ كٸتاپحانالارىندا قازاق تٸلٸندەگٸ بالالار ەدەبيەتٸنٸڭ ايتارلىقتاي جەتٸسپەيتٸنٸن ايتىپ, الاڭداۋشىلىق بٸلدٸردٸ, دەپ حابارلايدى Dalanews.kz.
ونىڭ مەلٸمەتٸنشە, قازٸرگٸ تاڭدا مەكتەپتەردەگٸ كٸتاپ قورىنداعى تۋىندىلاردىڭ نەبەرٸ 11,8 پايىزى عانا قازاق تٸلٸندە.
“جىل سايىن جارىق كٶرەتٸن بالالار كٸتاپتارىنىڭ سانى 30–40 دانانى عانا قۇرايدى. ونىڭ ٶزٸ 1000–2000 دانا كٶلەمٸندە باسىلىپ شىعادى. مۇنداي تارالىم بٸر عانا وبلىستىڭ سۇرانىسىن دا قامتي المايدى”, – دەدٸ سەناتور.
رٷستەموۆ اۋىلدىق جەرلەردەگٸ جاعدايدىڭ تٸپتەن كٷردەلٸ ەكەنٸنە توقتالدى. ايتۋىنشا, قازاقستانداعى بالالاردىڭ تەك ٷشتەن بٸرٸ عانا ٶز ەركٸمەن كٸتاپ وقيدى, ال كٶپ جاعدايدا بالالار كٸتاپتى تەك ساباق ٷشٸن قولىنا الادى.
“بٸز بالالاردىڭ ەدەبيەتكە دەگەن قىزىعۋشىلىعىن جوعالتىپ الىپ جاتىرمىز. قازٸرگٸ زامانعا ساي فورماتتاعى كٸتاپتار – انيماتسييالىق نۇسقالار, ينكليۋزيۆتٸ مەتٸندەر – مٷلدە دامىماي وتىر”, – دەدٸ ول.
سەناتور وقىرمان ۇرپاقتى تەربيەلەۋ ٷشٸن بالالار ەدەبيەتٸنٸڭ كٶلەمٸن عانا ەمەس, ساپاسىن دا ارتتىرىپ, جاڭا تەحنولوگييالىق تەسٸلدەرمەن ۇشتاستىرۋ قاجەت ەكەنٸن العا تارتتى.
