"مايقايىڭ التىن" اق ٶڭدەۋ زاۋىتى كەنٸشتەگٸ اپاتتى تەرگەۋ جٶنٸندەگٸ كوميسسييانىڭ تالابى بويىنشا ٶز قىزمەتٸن ۋاقىتشا توقتاتتى, دەپ حابارلايدى Dalanews.kz.
قر تٶتەنشە جاعدايلار مينيسترلٸگٸ ٶنەركەسٸپتٸك قاۋٸپسٸزدٸك كوميتەتٸ تٶراعاسىنىڭ ورىنباسارى مۇسا تاناباەۆتىڭ ايتۋىنشا, كەسٸپورىن بارلىق انىقتالعان كەمشٸلٸكتەر جويىلعاننان كەيٸن عانا جۇمىسىن جالعاستىرا الادى.
شەنەۋنٸك جۇمىستى قالپىنا كەلتٸرۋ ٷشٸن بٸرقاتار شارا جٷزەگە اسىرىلاتىنىن اتاپ ٶتتٸ. ناقتىراق ايتساق, ٷيٸندٸ سالدارلارىنىڭ تەۋەكەلٸن باعالاۋعا عىلىمي ساراپتاما جٷرگٸزٸلٸپ, جۇمىسشىلاردى سوققى تولقىنىنان قورعاۋ ٷشٸن سەكٸرگٸشتەر ورناتىلادى. بۇل شارا وسى جىلدىڭ 30 ناۋرىزىنا دەيٸن جٷزەگە اسىرىلۋى تيٸس.
ەسكە سالايىق, بۇعان دەيٸن "مايقايىڭ التىن" كەن ورنىندا ٷلكەن ويىق ماڭىنداعى توپىراق وپىرىلىپ, 4 ادام مٸنگەن اۆتوبۋس جەردٸڭ استىنا تٷسٸپ كەتكەن بولاتىن. وسىعان بايلانىستى "مايقايىڭ التىن" كەسٸپورىننىڭ جۇمىسى 1 سەۋٸرگە دەيٸن توقتادى.
