"Maiqaiyń altyn" AQ óńdeý zaýyty kenishtegi apatty tergeý jónindegi komissiianyń talaby boiynsha óz qyzmetin ýaqytsha toqtatty, dep habarlaidy Dalanews.kz.
QR Tótenshe jaǵdailar ministrligi Ónerkásiptik qaýipsizdik komiteti tóraǵasynyń orynbasary Musa Tanabaevtyń aitýynsha, kásiporyn barlyq anyqtalǵan kemshilikter joiylǵannan keiin ǵana jumysyn jalǵastyra alady.
Sheneýnik jumysty qalpyna keltirý úshin birqatar shara júzege asyrylatynyn atap ótti. Naqtyraq aitsaq, úiindi saldarlarynyń táýekelin baǵalaýǵa ǵylymi saraptama júrgizilip, jumysshylardy soqqy tolqynynan qorǵaý úshin sekirgishter ornatylady. Bul shara osy jyldyń 30 naýryzyna deiin júzege asyrylýy tiis.
Eske salaiyq, buǵan deiin "Maiqaiyń altyn" ken ornynda úlken oiyq mańyndaǵy topyraq opyrylyp, 4 adam mingen avtobýs jerdiń astyna túsip ketken bolatyn. Osyǵan bailanysty "Maiqaiyń altyn" kásiporynnyń jumysy 1 sáýirge deiin toqtady.
