بۇرىنعى ۇلتتىق ەكونوميكا مينيسترٸ قۋاندىق بيشٸمباەۆ ەيەلٸن ٶلتٸردٸ دەگەن كٷدٸككە ٸلٸنٸپ وتىر. قازٸر وعان قاتىستى سوت وتىرىسى جالعاسىپ جاتىر. ال بٷگٸنگٸ سوت وتىرىسىندا بيشٸمباەۆتىڭ ادۆوكاتى نازكەن قۇسايىنوۆا BAU مەيرامحاناسىنداعى وقيعا بولعان بٶلمەنٸڭ زەرتتەۋ سيپاتتامالارىن وقىدى, - دەپ حابارلايدى Dalanews.kz.
سوت پروتسەسٸ بارىسىندا جەبٸرلەنۋشٸ تاراپ ٶكٸلٸ يگور ۆرانچەۆ نەگە بٶلمەدەن مارقۇمنىڭ ساۋساق ٸزدەرٸ تابىلماعانىن سۇرادى.
"سالتانات بولعان VIP-1-دە ونىڭ ساۋساق ٸزدەرٸ نەگە تابىلماعانىن قالاي تٷسٸندٸرەسٸز?" - دەپ سۇرادى ول بيشٸمباەۆتان.
كەيٸن بيشٸمباەۆتان "VIP-1-دە ونىڭ ساۋساق ٸزدەرٸن جەنە باسقا دا ٸزدەردٸ ناشاتىرمەن كەتٸرگەن جوقسىز با?" دەپ ناقتىلادى.
"مەن تٸپتٸ ناشاتىردى قالاي قولدانۋدى بٸلمەدٸم, بايجانوۆ كٶرسەتتٸ", - دەدٸ ايىپتالۋشى.
ايتا كەتەيٸك, بۇعان دەيٸن سۋديا ايجان قۇلباەۆا سالتانات نٷكەنوۆانىڭ ٶلٸمٸنە قاتىستى مەسكەۋلٸك ماماندار جٷرگٸزگەن ساراپتاما نەتيجەسٸن ٸس ماتەريالدارىنا قوسۋ تۋرالى ٶتٸنٸشتٸ قاناعاتتاندىرمادى.
سۋديا قوسىمشا ساراپتاما جاسالاتىنى تۋرالى سوتقا, پروكۋرورلارعا ۋاقتىلى حابار بەرٸلمەگەنٸن جەنە ساراپتاما زاڭدى بۇزا وتىرىپ جاسالعانىن ايتتى.
27 ناۋرىزدا ەكس-مينيستر قۋاندىق بيشٸمباەۆتىڭ ٸسٸ بويىنشا القابيلەر تاڭدالعان ەدٸ. القابيلەر القاسىنا 12 ادام ٸرٸكتەلدٸ: 10 – نەگٸزگٸ قۇرام, 2 – قوسالقى. سودان كەيٸن اشىق سوت وتىرىستارى باستالدى.
سونىمەن قاتار, قۋاندىق بيشٸمباەۆ سوتتا سالتانات نٷكەنوۆانى اسا قاتىگەزدٸكپەن ٶلتٸرگەنٸن مويىندامادى. بۇل وقيعا 2023 جىلى 9 قاراشادا استانا قالاسىنداعى BAU مەيرامحاناسىندا بولدى.
سوت وتىرىستارىندا وقيعا بولعان كەزدٸڭ, دەلٸرەك, بيشٸمباەۆ سالتاناتتى شاشىنان سٷيرەپ, تەپكٸلەگەن سۇمدىق كادرلار كٶرسەتٸلدٸ.
