Burynǵy ulttyq ekonomika ministri Qýandyq Bishimbaev áielin óltirdi degen kúdikke ilinip otyr. Qazir oǵan qatysty sot otyrysy jalǵasyp jatyr. Al búgingi sot otyrysynda Bishimbaevtyń advokaty Nazken Qusaiynova BAU meiramhanasyndaǵy oqiǵa bolǵan bólmeniń zertteý sipattamalaryn oqydy, - dep habarlaidy Dalanews.kz.
Sot protsesi barysynda jábirlenýshi tarap ókili Igor Vranchev nege bólmeden marqumnyń saýsaq izderi tabylmaǵanyn surady.
"Saltanat bolǵan VIP-1-de onyń saýsaq izderi nege tabylmaǵanyn qalai túsindiresiz?" - dep surady ol Bishimbaevtan.
Keiin Bishimbaevtan "VIP-1-de onyń saýsaq izderin jáne basqa da izderdi nashatyrmen ketirgen joqsyz ba?" dep naqtylady.
"Men tipti nashatyrdy qalai qoldanýdy bilmedim, Baijanov kórsetti", - dedi aiyptalýshy.
Aita keteiik, buǵan deiin sýdia Aijan Qulbaeva Saltanat Núkenovanyń ólimine qatysty máskeýlik mamandar júrgizgen saraptama nátijesin is materialdaryna qosý týraly ótinishti qanaǵattandyrmady.
Sýdia qosymsha saraptama jasalatyny týraly sotqa, prokýrorlarǵa ýaqtyly habar berilmegenin jáne saraptama zańdy buza otyryp jasalǵanyn aitty.
27 naýryzda eks-ministr Qýandyq Bishimbaevtyń isi boiynsha alqabiler tańdalǵan edi. Alqabiler alqasyna 12 adam irikteldi: 10 – negizgi quram, 2 – qosalqy. Sodan keiin ashyq sot otyrystary bastaldy.
Sonymen qatar, Qýandyq Bishimbaev sotta Saltanat Núkenovany asa qatygezdikpen óltirgenin moiyndamady. Bul oqiǵa 2023 jyly 9 qarashada Astana qalasyndaǵy BAU meiramhanasynda boldy.
Sot otyrystarynda oqiǵa bolǵan kezdiń, dálirek, Bishimbaev Saltanatty shashynan súirep, tepkilegen sumdyq kadrlar kórsetildi.
