اتىراۋ وبلىسى جانگەلدين اۋىلىنداعى وتباسىنىڭ ٶلٸمٸنە قاتىستى سوت پروتسەسٸ جالعاسىپ جاتىر. كەزەكتٸ وتىرىستا كۋەگەرلەر قوجايىندارى جوعالعاننان كەيٸن ولاردىڭ مالىنا قالاي قاراعانىن جەنە مارقۇم ناۋرىز مۇقانعاليەۆتٸڭ تەلەفونىنان كەلگەن حابارلامالار تۋرالى ايتىپ بەردٸ, دەپ dalanews.kz تٸلشٸسٸ "اق جايىق" باسىلىمىنا سٸلتەمە جاساپ حابارلايدى.
سوتتا سوڭعى بولىپ جاۋاپ بەرگەن ەكٸ كۋەگەر دە قاراباليندەر وتباسىنىڭ مالىنا قاراعان ادامدار بولىپ شىقتى.
بٸرٸنشٸ كۋەگەر جانگەلدين اۋىلى تۇرعىندارىنىڭ مالىن باعۋمەن اينالىساتىنىن ايتتى. ونىڭ سٶزٸنشە, ماقسوت قاراباليننٸڭ مالى دا ونىڭ قاراۋىندا بولعان. ٶتكەن جىلدىڭ كٷزٸندە ول جايىلىمدا جٷرگەن سيىرلاردى ٶز قوراسىنا كٸرگٸزگەن. بۇعان وتباسىنىڭ كٶرشٸسٸ ٷي يەلەرٸنٸڭ جوق ەكەنٸن ايتىپ, مالعا قاراپ تۇرۋدى ٶتٸنگەن سوڭ كەلٸسكەن.
كۋەگەر ەر سيىردى باققانى ٷشٸن 4 مىڭ تەڭگەدەن الىپ وتىرعانىن جەتكٸزدٸ.
ەكٸنشٸ كۋەگەردٸڭ ايتۋىنشا, وتباسى كەتكەننەن كەيٸن وعان قورادا قالعان مالدى جەمدەپ, سۋارىپ تۇرۋ ۇسىنىلعان. وعان ٷي يەلەرٸ تاشكەنتتە ەمدەلٸپ جاتىر دەپ ايتىلعان. بۇل جۇمىسى ٷشٸن كٷنٸنە 3 مىڭ تەڭگە تٶلەۋگە كەلٸسكەن.
كۋەگەر اقشانىڭ كٷن سايىن ەمەس, ارا-تۇرا اۋدارىلىپ وتىرعانىن ايتتى. بۇدان بٶلەك, قوي باققانى ٷشٸن وعان جەكە 10 مىڭ تەڭگە تٶلەنگەن. ونىڭ سٶزٸنشە, اقشا اۋدارىمدارى شامامەن 23-25 قاڭتارعا دەيٸن كەلٸپ تۇرعان.
كەيٸن ناۋرىز مۇقانعاليەۆتٸڭ نٶمٸرٸنەن WhatsApp ارقىلى اقشانىڭ ورنىنا بٸر باسپاقتى الىپ كەتۋ تۋرالى حابارلاما كەلگەن.
"قازٸر اقشام جوق, بٸر باسپاقتى الىپ كەتە الاسىڭ با?" – دەپ كۋەگەر حاتتىڭ مازمۇنىن جەتكٸزدٸ.
وسىدان كەيٸن ول مالدى الىپ كەتكەنٸن ايتتى.
كەيٸن مارقۇمداردىڭ تۋىستارى مالدىڭ قايدا كەتكەنٸن انىقتاي باستاعان. ماقسوت قاراباليننٸڭ قارىنداسى كۋەگەردەن مالدىڭ نە ٷشٸن ساتىلعانىن سۇراعان.
"مەن مال ساتۋعا قاتىسقان جوقپىن. ولار ٶزارا كەلٸسٸپ العان. ماعان ٷي يەلەرٸ تاشكەنتتە جٷر دەپ ايتتى. مەن ولار جاقىندا قايتىپ كەلەدٸ دەپ ويلادىم", – دەدٸ كۋەگەر سوتتا.
كۋەگەر حابارلامالار ٶزٸندە ناۋرىز مۇقانعاليەۆتٸڭ نٶمٸرٸ رەتٸندە ساقتالعان تەلەفوننان كەلگەنٸن ايتتى. ونىڭ سٶزٸنشە, بۇرىن ەكەۋٸ بٸرگە ناماز وقىعاندىقتان, جازىپ وتىرعان ادامنىڭ ناۋرىز ەكەنٸنە كٷمەندانباعان.
سۋديا قازٸرگٸ كەزدە تەلەفون ارقىلى جاسالاتىن الاياقتىق جيٸلەگەنٸن ەسكە سالىپ, مۇنداي حابارلامالار كٷدٸك تۋدىرۋى مٷمكٸن ەكەنٸن ايتتى. الايدا كۋەگەر سوڭعى ەكٸ جىلدا ناۋرىزبەن ارالاسپاسا دا, حاتتى سول ادام جازىپ وتىر دەپ ويلاعانىن جەتكٸزدٸ.
سۇراق-جاۋاپ كەزٸندە مارقۇم ماقسوت قاراباليننٸڭ قارىنداسى قۇجات بويىنشا اعاسىندا 11 باس ٸرٸ قارا بولعانىن ايتتى. ونىڭ سٶزٸنشە, قازٸر ون مالدىڭ عانا قايدا ەكەنٸ بەلگٸلٸ, ال تاعى بٸر سيىردىڭ تاعدىرى بەيمەلٸم.
كۋەگەر ٶزٸنە قاراۋعا 10 باس مال بەرٸلگەنٸن ايتىپ جاۋاپ بەردٸ. سونىمەن قاتار ول بۇرىن جايىلىمنان الىپ كەلگەن مال سانى تٶرت ەمەس, ٷش سيىر بولعانىن ناقتىلادى. ونىڭ ايتۋىنشا, بۇل ساندار وتباسى يەلٸگٸندەگٸ جالپى مال سانىمەن بايلانىستى ەمەس.
كۋەگەرلەردەن جاۋاپ الۋ اياقتالعان سوڭ سوت ٸس ماتەريالدارىن زەرتتەۋگە كٶشتٸ.
پروتسەسكە قاتىسۋشىلارعا جانگەلدين اۋىلىنداعى ٷيدٸڭ قوراسىنان تابىلعان ماقسوت قارابالين مەن ونىڭ جۇبايى نەسٸپ ٶتەشقاليەۆانىڭ سٷيەگٸن ەكسگۋماتسييالاۋ بارىسى تٷسٸرٸلگەن بەينەماتەريالدار كٶرسەتٸلدٸ.
سۋديا سٷيەك قالدىقتارى كٶرٸنەتٸن كادرلاردى تٷسٸرۋگە جەنە جارييالاۋعا تىيىم سالدى. ونىڭ ايتۋىنشا, مۇنداي كٶرٸنٸستەر ادامدارعا پسيحولوگييالىق تۇرعىدان اۋىر ەسەر ەتۋٸ مٷمكٸن. ال قازبا جۇمىستارى باستالعانعا دەيٸنگٸ بەينەجازبانى كٶرسەتۋگە رۇقسات بەرٸلدٸ.
ماتەريالداردى قاراۋ كەزٸندە مارقۇمنىڭ ەپكەلەرٸ كٶز جاسىنا ەرٸك بەردٸ. ال ايىپتالۋشى سۇلتان سەرسەمەليەۆ ەكرانعا قاراپ, بەينەماتەريالداردى ٷنسٸز باقىلاپ تۇردى.
