بۇگىن ۇكىمەت وتىرىسىندا قازاقستان حالىق ءۇشىن باعاسى جاعىنان ءتيىمدى شەتەلدىك ماركەتپلەيستەردى ەلىمىزدە تىركەلۋىن، سونداي-اق ولاردان ساتىپ الىناتىن تاۋارلارعا سەرتيفيكاتتاۋدى ەنگىزۋدى، ال ساتىپ الىناتىن تاۋارلارعا باج سالىعىن ەنگىزۋدى مىندەتتەگەلى جاتقانى بەلگىلى بولدى. وسى جاعىنان العاندا، بۇعان دەيىن تارتىمدى بولىپ كەلگەن بۇل ونلاين الاڭدارداعى تاۋارلاردىڭ قىمباتتاپ شىعا كەلۋى مۇمكىن بە؟ جۋرناليستەردىڭ وسى سيپاتتاعى ساۋالىنا ساۋدا جانە ينتەگراسيا ءمينيسترى ارمان شاكقالييەۆ جاۋاپ بەردى، دەپ جازادى Dalanews.kz.
"ارينە، ءسوز ەتىلىپ وتىرعان وزگەرىستەر اسەر ەتەتىن بولادى، بۇل - وبەكتيۆتى شىندىق. ءبىراق قىمباتتاۋ نەمەسە ارزانداۋ دەگەنگە كەلەتىن بولساق، بۇگىندەرى ەگەر قازاقستاننىڭ قۇقىقتىق الاڭىندا جۇمىس ىستەپ جاتقان ماركەتپلەيستەردەگى باعالاردى سالىستىراتىن بولساق، ولاردىڭ ءوزارا باسەكەگە قابىلەتتى ەكەنىن كورۋگە بولادى... سونىمەن بىرگە، ءبىز تالداۋ جۇرگىزە وتىرىپ، تۇتىنۋشىلاردىڭ قۇقىقتارىن قورعاۋ، تاۋارلار ساپاسىن باقىلاۋدى جوعارلاتۋ تۇرعىسىندا قابىلداعان بۇل وزگەرىستەر باعانى ەسەلەپ قىمباتتاۋىنا تۇرتكى بولمايتىنىن اڭعاردىق. ياعني، تۇزەتۋلەر ەنگىزىلگەننەن كەيىن قىمباتتاۋ ورىن الادى دەپ ايتۋعا بولمايدى، ويتكەنى بۇل وتە باسەكەگە قابىلەتتى نارىق"، – دەپ سەندىرەدى ارمان شاكقالييەۆ.
دەگەنمەن مينيستر ساراپتامالىق بولجامداردا، ەگەر قىمباتتاۋ ورىن السا، ونىڭ كولەمى 15%-دى قۇراۋى مۇمكىن دەپ ايتىلعانىن مويىندادى.
"ساراپشىلاردىڭ نەگىزگى بولىگى زاڭنامانىڭ وزگەرۋىنە بايلانىستى بولشەك ساۋدادا قىمباتتاۋ بولمايدى دەگەن تۇجىرىمعا سۇيەنەدى، ويتكەنى نارىق ءىس جۇزىندە ابدەن قالىپتاسقان، بۇگىندەرى ساتىپ الىنىپ جۇرگەن تاۋارلار قازاقستاندىق زاڭناما بويىنشا تىركەلىپ، جۇمىس ىستەپ جاتقان ماركەتپلەيستەردە دە بار. سول سەكىلدى تىركەۋدىڭ قاجەتى جوق دەگەندى جاقتاۋشىلار بار، ايتپەسە، ولاردىڭ پىكىرىنشە، باعا قىمباتتايدى. ءبىراق تاعى دا قايتالاپ ايتامىن، بۇگىندەرى جۇمىس ىستەپ جاتقان ماركەتپلەيستەردە (قازاقستاندا - شامامەن) قىمباتتاۋ بولمايدى. ماسەلەن، Temu مەن Pindodo قازاقستاندا تىركەلمەگەن، تاعى دا سىزدەردىڭ سۇراقتارىڭىزبەن قاراستىراتىن بولساق، مۇندا دا قىمباتتاۋ بولمايدى. ويتكەنى ولاردا تاۋار بار، باعا ساياساتى قالىپتاسقان جانە ءبىز ۇسىناتىن زاڭنامالىق تالاپتار ولاردىڭ تاراپىنان قوسىمشا شىعىنداردى قاجەت ەتپەيدى"، – دەپ سەندىرەدى ارمان شاكقالييەۆ.
ونىڭ ايتۋىنشا، مينيسترلىك دايىنداعان وزگەرىستەر وندىرىستىك فاكتورلارعا اسەر ەتپەيدى.
"سوندىقتان زاڭناماداعى ءبىزدىڭ وزگەرىستەر شەتەلدىك ماركەتپلەيستەردەگى تاۋارلاردىڭ قۇنىن ارتتىرادى دەپ ايتا المايمىن. شەتەلدىك ماركەتپلەيستەرگە قاتىستى قوسىمشا تالاپتاردى ەنگىزۋگە قارسى ساراپشىلار بار. ولارعا بىلاي دەدىك (تاۋەكەل بار - شامامەن): ءبىز ايتتىق، ەسەپ-قيساپتى سۇرادىق، ناقتى سيفرلاردى بەرىڭىزدەر دەدىك، ءبىراق ءالى تۇك جوق قوي. بىزدە پروسەدۋرالار، قوعامدىق تالقىلاۋلار بار، ەگەر ەسەپ-قيساپ ۇسىنىلىپ جاتسا، ارينە، ءبىز ولارعا قاتىستى جاۋاپ بەرەتىن بولامىز. ازىرگە، باعانىڭ وسەتىنىن راستايتىن ەسەپ پەن ناقتى نەگىزدەر ۇسىنىلماعان. ياعني، ازىرگە ساراپتامالىق باعالاۋدا ناقتى ساندار مەن دالەلدەر جوق"، – دەپ ءسوزىن تۇيىندەدى ارمان شاكقالييەۆ.
بۇعان دەيىن ۇكىمەت باسشىسى ولجاس بەكتەنوۆ شەتەلدىك ماركەتپلەيستەرگە قاتىستى زاڭنامانى قاتايتۋ جونىندە ءتيىستى ۆەدومستۆولارعا ءبىرقاتار تاپسىرما بەرگەنى ءمالىم بولعان ەدى. بۇگىنگى ۇكىمەت وتىرىسىندا ساۋدا جانە ينتەگراسيا ءمينيسترى ارمان شاكقالييەۆ شەتەلدىك ماركەتپلەيستەردى تىركەۋ بويىنشا ەلەكتروندىق پلاتفورمانى ەنگىزۋدى ۇسىندى. ال "سيفرلىق قازاقستان" قاۋىمداستىعى كەڭەسىنىڭ ءتوراعاسى دەنيس ستەپانسيەۆ قازاقستاندا ەلەكتروندىق ساۋدانى دامىتۋ جونىندە ءبىرقاتار ۇسىنىستى العا تارتتى. سونىڭ ىشىندە شەتەلدىك الاڭداردان ساتىپ الىناتىن تاۋارلاردى مىندەتتى سەرتيفيكاتتاۋدى ەنگىزۋدى، شەتەلدىك پلاتفورمالاردا ساتىپ الىناتىن تاۋارلارعا باج سالىعىن ەنگىزۋ ۇسىنىلدى. ونىڭ ايتۋىنشا، بۇل قادام وتاندىق بيزنەس پەن شەتەلدىك باسەكەلەستەر ءۇشىن تەڭ جاعداي جاسايدى.
